Read Kuranko Makawandili Kumɛnu 9 Bible Online

Makawandili Kumɛnu 9 - Kuranko bible

Makawandili Kumɛnu 9

¹N ban kɛ damasi lakɔrɔsila, n ya ko-gbɛrɛkɛ yen. N ya a yen ko hɛnkili ye mɔgɛ min tɔ, ado a telenta, Alla ye wo le fɛ. Mɔgɔ ti a lɔn ni a si a laban gboyɛ anubɛ diyɛ le ma.

²Dan-nafara woo sa wo la. A karagbɛlɛ wo, a mɔgɔ-latelenni wo, a mɔgɔ-nyima wo, a mɔgɔ-yogo wo, a mɔgɔ-sɛninyanɛ wo, a mɔgɔ-sɛninyabɛlɛ wo, a saraka-bɔla wo, a saraka-bɔlabɛlɛ wo, wo do-wo-do ma a laban-nya lɔn. Telenbaga ma tenbi hakɛ-tigi la. Nyɛrɛ-tasɛlɛla ban ma tenbi nyɛrɛ-tasɛbɛlɛtɛ la.

³N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

⁴Fananta mɔgɛ ye a niyi la, yigi ye a bolo. Wuli fanan min bi a niyi la, wo wara-koe fisa yara-faganɛ ko.

⁵Tonyɛ le wo la bawo min bi a niyi la, wo fisa bawo wo hɛnkili ye ko kelen pe dɔrɔn ma, wo le ko a ye nala fagala. Kɔnɔ min bara faga, wo sa ko-wo-ko kalama. A sa fenfen taranna a yarɔ lakira, ado mɔgɛnu ti mɛ nyinala a wara-koe la.

⁶Mɔgɔ-faganɛ wo ti mɔgɔ keni tun, a ti mɔgɔ kɔn tun, a ti mɔgɔ makeliya tun. A mako sa duninya ko-nya fenfen na wo rɔ tun.

⁷Woletɔ ta fen dɔn sewɛ rɔ, i ni minni-fan min i fanbolo bawo i ye min kun na, Alla ara sɔn wo ma, bi ma!

⁸I ni to duruku-hakikɛ bilala i kan na ka i nyɛrɛ rabɛn yɔnyɔn!

⁹Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

¹⁰Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

¹¹N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

¹²I ma ila harayɛgɛbɛlɛ sɔrɔn-wati lɔn. Iko kona ye birala mana la nya min wo, iko yɛgɛ ye birala yalɛ la nya min wo, male hadama-dannu si bira nanparan rɔ wo nya na le hali ma sa a kalama.

¹³N yɛ bɔra hɛnkilimayɛ misalɛ do la duninya kɛ rɔ.

¹⁴Soe do ye nyɔ nun mɔgɔ-siyaman sa min tɔ. Lunyɛ do, mansa-makilannɛ anubɛ ala kɛlɛ-dannu nara ka soe wo kurun. Soe wo tara-keri-sɔgɛ ye a la.

¹⁵Bolo-kolon-hɛnkilimɛ do ye soe wo burɔ nun, wo ya so-burɔ-mɔgɛnu niyi lakisi ala hɛnkilimayɛ la kɔnɔ tɔ-a-la, mɔgɔ ma a wɔli-nyimɛ lɔn tun.

¹⁶Woletɔ n bi a fɔla ko hɛnkilimayɛ fisa sɛnbɛlamayɛ ko kɔnɔ mɔgɔ-wo-mɔgɔ ma a lɔn ni bolo-kolon-hɛnkili ye, ado anu ti ala kumɛ bira.

¹⁷Yanni i ni i tole masɔ mansɛla seren-seren-kan la kuntan kurɔn ma, a fisa, i ni i tole masɔ hɛnkilimɛla kuma-makimani-fɔɛ la.

¹⁸Hɛnkilimayɛ fisa kɛlɛ-kɛ-miran-siyamɛ ko kɔnɔ ko-yogoma-kelen si ko-nyima-siyaman tinya.