Read Kuranko Aiseya 18 Bible Online

Aiseya 18 - Kuranko bible

Aiseya 18

¹ Mɔgɛ kɛnɛna kɔinkian kanbankan lamɔɛnna nyamanɛ do rɔ Sudan bɛnu kɔgɔma.

²Anu si mɔgɔ-banu sɔ ka bɔ nyamanɛ wo rɔ kulɔnnu tɔ minnu nadannɛ sensere la Nayɛli bɛ kuma. Kɔnɔ wole nyamani-yɛnu, wo sɛgi wo warɛ sarakanɛ kɛ la wo bolo. Wola mɔgɛnu tagbɛlɛ, anu yan, ado anu fɛrɛ nunkunɛ anu ma pinapina! Duninya-mɔgɛ mumɛ bɛɛ kilannɛ anu na. Wola nyamanɛ talanɛ bɛnu denu na.

³Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

⁴Mari ya a fɔ n ye ko a si a kolan layigi ka bɔ Arinyɛni tɔ a fɛrɛma iko duri tenbi yigila dɔn-fen-tɛgɛ-wati la nya min anubɛ iko tele-wuyan tele-latelan rɔ.

⁵Ki-fannu ba fere, yanni wonu keri-wati ni ke, wo si a taran, Sudan kɛnu yogenu bara ban anu kasarala. Anu si anu nɔ tiriya iko muri ye tɔnbɔnna kɔlɔma bolɔn rɔ nya min.

⁶Anuna kɛlɛ-dannu furi si ma soge anubɛ konanu beli-fan la. Telemɛ rɔ, konanu si wonu dɔn. Samɛ rɔ, sogenu si wonu dɔn.

⁷Dugi kɛ min talanɛ bɛnu na, wati ye nala, nyamanita-mɔgɛ wonu si kɔ-fannu nana Mari Sɛnbɛ-Bɛɛ-Tigi ma, ado mɔgɛ wonu tagbɛlɛ, anu yan. Anu fɛrɛ nunkunɛ. Duninya-mɔgɛ mumɛ bɛɛ kilannɛ anu na. Anu si ta Yerusalɛm kɔnkɔ-sɛnimɛ kuma, mɔgɛnu si Mari Sɛnbɛ-Bɛɛ-Tigi bato kan min.