Read Kuranko Aiseya 20 Bible Online

Aiseya 20 - Kuranko bible

Aiseya 20

¹Asiriya kɛlɛ-kurugbɛ ya ala Mansa Sarakɔnna kumɛ bira. A ko anu ni ta bui Filisitinuna soe Asadadi ka a bira-a-la.

²San sawa yanni wo ni ke, Mari ya a fɔ nde, Emɔsila den Aiseya ye ko n ni nna sanbarɛ bɔ n kian rɔ ka nna kasa-duruki bɔ n kan na. N ya Mari kan to a gbɛ rɔ. N kin-takolɔn anubɛ n gbu-makolɔn tara.

³Anu ban Asadadi soe birala, Mari ya a fɔ ko nde, ata wɔli-kɛla Aiseya ye tagamana n kin-takolɔn anubɛ n gbu-makolɔn san sawa kɔrɔ. Mari ko min bi nala mala Iyipiti anubɛ Sudan ye, wo tamasere le kɛ la.

⁴Mari ko Asiriya mansɛ si mɔgɛnu bira nyamani filɛ wonu tɔ, wonu makolɔn si ta. A kina wo, a dennɛ wo, wonu dama kuru-lakolɔn si ta anubɛ anu kin-takolɔn. Wo si a ma, Iyipiti ni miliya.

⁵Mari ko minnu lanɛ Sudan kɛnu na, ni wo ma, ka Iyipiti kɛnu matɔgɔ, wonu si to kɔgɔrɔyɔlɔ yisi-tinya bolo.

⁶Wo wati wa ke, mɔgɛ minnu siginɛ Filisiti nyamanɛ rɔ kɔgɔ-yi dafɛ, Mari ko wonu si a fɔ ko, “Ma lanɛ minnu na ko anu si ma lakanan Asiriyanu masibɛ ma, wo ni wo yɛ lata anu bi nya min kaka. Male si ke kisila kama gbɛ?”