Read Kuranko Aiseya 38 Bible Online

Aiseya 38 - Kuranko bible

Aiseya 38

¹Kɛ wati ya a taran, Mansa Hɛsakaya kun ma ara kɔ kirayɛ bolo. A tora doni, a ni lakiraya. Nde, Emɔsila den Nɛbi Aiseya tara a kɔndɔn tinɛ. N ya a fɔ a ye ko, “Mari ko yanni i ni faga, i ni i fɛ-koe mumɛ bɛɛ rabɛn bawo a ko i ti kirayɛ kɛ nɔ.”

²Mansa Hɛsakaya ya a tintan dandan la ka madiyali kɛ, a ko,

³“E, Mari, i miri n ma. N ya ko-telennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala madiyali-kɛ wo ya a laban di-kɛ ma a bolo.

⁴Mari ya a fɔ nde, Aiseya ye ko,

⁵“Sɛgi i kɔma Mansa Hɛsakaya wara. I wa ke, i ni a fɔ a ye ko nde, a benba Dawudata Mari Alla ko n bara ata madiyali-kan lamɔɛn ka a ya-yi yen. N si a ma, a ni san tan-ni-loli bɔ tun.

⁶N si ale anubɛ Yerusalɛm soe latanka Asiriya mansa masibɛ ma. N si to soe kɛ latankala.”[15]

²¹Nde, Aiseya ban wo fɔla mansɛ ye, n ya a fɔ mansɛ ye tun ko a ni toro-gbɔ-ratugunɛ sa ala sumunɛ la. Wo si a lakɛndɛya le.

²²Mansa Hɛsakaya ya nde, Aiseya manyinika ko, “Ka a fɔ ko n si ta Mari Bato-Bɔn la tun, nfen si ma wo tamasere la?” Nde, Nɛbi Aiseya ya a fɔ a ye ko, “Mari si tamasere di i ma ka a yira i la ko a ye ala lanyiri latɔnbagayala le. Mansa Ehasi ya wati-lɔn-fan min nadan kɔrɔma la, ninɛ wo ma si sɛgi a kɔma wo ma ha kin fa tan nyɔgɔn.” Ninɛ wo masɛgira a kɔma ha kin fa tan nyɔgɔn. Hɛsakayala kɛndɛyɛ kɔma, a ya sewa-sigi kɛ sa: N bi fonikeyɛ la tumɛ min, n miri n ko n donmatoe le lakira. N ko n siyi ti a labɔ. N bi nilamɛnu tɛma tumɛ min, n miri n ko n ti Mari yen tun n yɛ la, ado n ti mɔgɔ-wo-mɔgɔ yen tun a niyi la. N niyi la ara to dogbe. A mani de iko fani-bon-wuyanɛ. A mani de iko yese min bara tɛgɛ, a ma ban bɛ. N miri ko Alla ye n niyi ban tinɛ le. N bi kila dila dumɛ bolo. A mani de iko yarɛ le ye n kolo ratii tinɛ. N miri ko Alla ye n niyi ban tinɛ le. N kan ma ara dɔgɔya. N kan mani de iko kang(...)