Read Kuranko Saraka-Masɔlɛnuta Tɔnnu 14 Bible Online

Saraka-Masɔlɛnuta Tɔnnu 14 - Kuranko bible

Saraka-Masɔlɛnuta Tɔnnu 14

¹ Mari ya tɔn kɛnu di Musa ma alako fɛrɛma-kirayato-kɔrɛnu si sɛninya iko tɔn ya a fɔ nya min ko, “Anu bi a fɔla saraka-masɔlɛ ye tele min nyɛrɛ rɔ ko fɛrɛma-kirayatoe ara kɛndɛya,

³saraka-masɔlɛ si ta a taran dagɛ kɔma ka a mafɛlɛn a kilɛ fɛ. Ni a ya a taran, mɔgɛ wo ara kɛndɛya,

⁴saraka-masɔlɛ si a fɔ a ye worɔ ko a ni na kona fila la min sɛninyanɛ iko tɔn ya a fɔ nya min anubɛ kɔlɔma-bolɔn do min tɔgɛ sida, anubɛ yili-kolo-wulan anubɛ kɔlɔma do bolɔn min tɔgɛ hisɔpu.

⁵Anu si kona filɛ kɛ kelen bira. Saraka-masɔlɛ si a fɔ mɔgɛ do ye worɔ ko a ni tenke-yi-kurɛ kɛ bɔnku-dagɛ rɔ ka kona wo faga bɔnku-dagɛ kuma alako a yele ni tinti tenke-yi-kurɛ wo rɔ min bi bɔnku-dagɛ rɔ.

⁶A si sɔgɔ-kundunɛ wo bi anubɛ yili-kolo-wulan anubɛ kɔlɔma do bolɔn ka wonu nayigi yele anubɛ yi wo rɔ. Kona doi min kɛndɛ tora, a si wo bi. A si wo layigi yele anubɛ yi wo rɔ.

⁷A si yele wo do bi min basannɛ yi wo la ka a pusen kirayato-kɔrɛ wo ma iko wɔrɔnfila. Saraka-masɔlɛ si a fɔ worɔ ko a sɛninyanɛ de kɔnɔ a toe tonɛ a la. Wo kɔma, saraka-masɔlɛ ya kona min sa yele anubɛ yi wo rɔ, a si wo bi ka wo kɛndɛ boloka. Wo si ta a ye pon!

⁸Kirayato-kɔrɛ wo si ala kurɛnu ku, wo kɔma, a si a fɛrɛ mumɛ masii. Wo kɔma fanan, a si a fɛrɛ-bɔnkɛ fanan ku. Hali wo, a sɛninyanɛ kɔnɔ a toe tonɛ a la. A si ta dagɛ rɔ kɔnɔ a kana don ala fani-bɔn la tele wɔrɔnfila kɔrɔ.

⁹A tele wɔrɔnfila nyɔgɛ wo ma, a si a kunyɛ sii anubɛ a da-buyɛ anubɛ a ya-gbungbɔn-kuma-sii anubɛ a fɛrɛ-bɔnkɛ damasi masii. A ara sɛninya kɔnɔ a toe tonɛ a la tun.

¹⁰“A tele segin nyɔgɛ ma, a si na saga-yigi-den fila la anubɛ san-kelen-saga-yɛrɛ kelen na a bolo, fɛɛ sa minnu na. A si na dɛgɛ pani-kunbɛ-nya sawa la min tamaganɛ tuli la. A si na wonubɛ tuli kilasi-bu-tɛmɛ la. Kɛnu si ma a yiliki-sarakɛ la.

¹¹Saraka-masɔlɛ si kei wonubɛ ala sarakɛnu bi ka ta anu na Marita Fani-Bɔn tenbi-bolɔn dafɛ.

¹²Saraka-masɔlɛ si san-kelen-saga-yigi kelen bi anubɛ tuli ka anu di Mari ma kirayato-kɔrɛ wo yiliki-sarakɛla ko la. Kɔ-fan le kɛnu na Mari ya min di saraka-masɔlɛnu ma iko a ya a fɔ Musa ye nya min.

¹³A si saga-dan wo bi ka a faga kan-tina-sɛnimɛ wo rɔ, anu si saraka-mintantɛnu anubɛ hakɛ-sarakɛnu faga kan min. A ye yiliki-sarakɛ kɛ fagala nyɔ le bawo a sɛninyanɛ de iko hakɛ-sarakɛ fanan. Kɛnu si to saraka-masɔlɛ ye.

¹⁴“Saraka-masɔlɛ si saga-dan wo yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

¹⁵Saraka-masɔlɛ si tuli wo do bi ka a kɛ a nyɛrɛ bolo-maran rɔ.

¹⁶A si a bolo-nɔlɔnɛ bi ka a sɔ tuli wo rɔ min bi a bolo tɔ ka a pusen a ma Mari yala iko wɔrɔnfila.

¹⁷Wo kɔma, a si tuli do sosa a kan-tinɛnu ma iko a ya saga-dan-yele sosa a ma nya min ka a sosa a bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

¹⁸A si tuli wo toe bi min bi a bolo tɔ ka a sosa kei wo kun-gbana ma. A si sɛninya ka le.

¹⁹“Saraka-masɔlɛ si san-kelen-saga-yɛrɛ wo bi ka a ma kirayato-kɔrɛ hakɛ-yamatogon-fan la. Wo kɔma fanan, a si san-kelen-saga-yigi-toe wo bi ka wo ma saraka-mintantɛ la anubɛ dɛgɛ ka wonu sa tɛ rɔ saraka-mintantɛ kuma. Saraka-masɔlɛ banta sarakɛ kɛnu dila Mari ma tumɛ min, wo ya tɛlɛto-kɔrɛ wo hakɛ yamatogon ka a sɛninya a kila-bɛrɛbɛrɛ fɛ.

²⁰

²¹“Ni kirayato-kɔrɛ ti ke nala sarakɛnu na minnuna ko fɔnɛ kɛnu na bawo a bolo-kolɔn le, a si saga-yigi-dan kelen nyini ka a ma a yiliki-sarakɛ la. Kɔ-fan le kɛnu na Mari ya min di saraka-masɔlɛnu ma. Saraka-bɔlɛ si na dɛgɛ-munke pani-kunbɛ-nya kelen na min tamaganɛ tuli la anubɛ tuli kilasi bu tɛmɛ la.

²²A si na purulen fila la a bolo, ni wo ma, kangbo fila. Kelan saraka-mintantɛ, a to kelan, a hakɛ-sarakɛ.

²³Ala sɛninyɛ tele segin nyɔgɛ ma, a si na sarakɛnu na Marita Fani-Bɔn tenbi-bolɔn dafɛ.

²⁴Saraka-masɔlɛ si saga-yigi anubɛ tuli kilasi bu tɛmɛ wonu bi ka wonu di Mari ma. Kɔ-fan le kɛnu na Mari ya min di saraka-masɔlɛnu ma.

²⁵A si saga-dan wo bi ka a faga ka a yele do bi ka a don kirayato-kɔrɛ wo bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ ma.

²⁶Saraka-masɔlɛ si tuli wo do bi ka a kɛ a nyɛrɛ bolo-maran rɔ.

²⁷A si a bolo-nɔlɔnɛ bi ka a sɔ tuli wo rɔ min bi a bolo tɔ ka a pusen a ma Mari yala iko wɔrɔnfila.

²⁸Wo kɔma, a si tuli do sosa a kan tinɛnu ma iko a ya saga-dan-yele sosa a ma nya min ka a sosa a bolo-nyimama-tolo-lafɛlafɛ ma anubɛ a bolo-nyimama-gbungburu-wɛ anubɛ a bolo-nyimama-kin-gbungburu-wɛ.

²⁹Tulu-toe min bi a bolo tɔ, a si wo bi ka a sosa kei wo kun-gbana ma. A si sɛninya ka le.

³⁰Wo kɔma, saraka-masɔlɛ si kona wo kelen bi

³¹ka a ma kirayato-kɔrɛ wo hakɛ-sarakɛ la. A si kona doi wo bi anubɛ dɛgɛ-munke ka wonu ma saraka-mintantɛ la. Saraka-masɔlɛ banta sarakɛ kɛnu dila Mari ma tumɛ min, wo ya kirayato-kɔrɛ wo sɛninya ka a hakɛ yamatogon.

³²“Fɛrɛma-kirayatoe bolo-kolɔnnuta saraka-bɔ-nya tɔn le kɛnu na min si anu sɛninya Mari yala.”

³³Mari ya tɔn kɛnu di Musa anubɛ Aruna ma

³⁴fundannu bɔ-koe bɔnnu ma. (Kɔnɔ tɔn kɛnu sa Isirɛla mɔgɛnuna ko la anu bi kan min kaka.[9] Kɔnɔ anu ba ta Kenan nyamanɛ rɔ tumɛ min, anu si tɔn kɛnu bira.)

³⁵Musa ya Mari kuman-kan latenbi Isirɛla mɔgɛnu ma tun ko, “Wo wa ke Kenan nyamanɛ rɔ wati min, ni min ya a yen worɔ ko ala bon-fundan ara bɔ, a si a fɔ saraka-masɔlɛ ye.

³⁶Saraka-masɔlɛ si a fɔ a ye ko, ‘Samani n ni ta bɔn mafɛlɛn, i ni ila mirannu nabɔ bɔn la n yarɔ.’ Kɔnɔ ni a ma mirannu nabɔ bɔn la iko a ya a fɔ a ye nya min, saraka-masɔlɛ si a fɔ bonna-miran mumɛ bɛɛ ma ko anu sɛninyani ma. Wo kɔma, a si ta bɔn la

³⁷ka bon-fundan mafɛlɛn. Ni saraka-masɔlɛ ya a yen ko fundan wo min bi bɔn ma a wulennɛ, ni wo ma, a pɔrɔkɔsɛ le, ado a rayiginɛ dandan ma,

³⁸saraka-masɔlɛ si bɔn wo latogon tele wɔrɔnfila kɔrɔ.

⁴⁰

⁴⁴

⁴⁵

⁴⁶Ni mɔgɛ min donta bon-natogonnɛ wo la, wo tigi ti sɛninya ha wurɛ la.

⁴⁷Ni mɔgɛ do tara kinɔgɔ nyɔ, ni wo ma, ka ta fen dɔn bɔn wo la, mɔgɛ wo si ala kurɛnu ku. A tele wɔrɔnfila nyɔgɛ wo ma, saraka-masɔlɛ si na tun ka bɔn mafɛlɛn. Ni a ya a yen fundan wo ara siyaya bɔn ma, fundan wo ye kuri minnu ma, a si a fɔ mɔgɛnu ye ko, ‘Wo ni kuri kɛnu bɔ bɔn rɔ.’ Anu si kuri wonu bi ka ta anu nafili kan-tina-sɛninyabɛlɛ rɔ anuna soe kɔma. Wo kɔma, a si a fɔ anu ye tun ko, ‘Wo ni dandan-burɛ mawɔrɔ.’ Anu bi dandan wo min mawɔrɔla, anu si wo gbangban madɛn ka ta a lafili kan-tina-sɛninyabɛlɛ rɔ soe kɔma. Wo kɔma, anu si kuru-gbɛrɛkɛ nyini anu ya kan-tinɛ minnu tinya wo la, anu si wo nyɔgɔn sɛgi kuri wo la. Anu si borongbɛ bi wo rɔ ka bɔn wo manɔri wo la. “Anu ba ban kɛ ladanna a gbɛ rɔ tumɛ min, saraka-masɔlɛ si na a mafɛlɛn tun.[10]

⁴⁸Ni a nara a mafɛlɛn a ni a taran, bon-fundan ma bɔ tun mumɛ, a si a fɔ worɔ ko bon-sɛninyanɛ le iko Mari ya a fɔ nya min nun bawo bon-fundan ma bɔ tun.

⁴⁹“Min si bɔn wo sɛninya Mari yala worɔ, bon-tigi si na kona fila la anubɛ sɔgɔ-kundunɛ do min tɔgɛ sida anubɛ yili-kolo-wulan anubɛ kɔlɔma do bolɔn min tɔgɛ hisɔpu.

⁵⁰Anu si kona filɛ kɛ kelen bira ka a faga bɔnku-dagɛ kuma alako a yele ni tinti tenke-yi-kurɛ wo rɔ min bi bɔnku-dagɛ wo rɔ.

⁵¹A si sɔgɔ-kundunɛ wo bi anubɛ yili-kolo-wulan anubɛ kɔlɔma wo bolɔn ka wonu nayigi yele anubɛ yi wo rɔ. Kona doi min kɛndɛ tora, a si wo bi ka a layigi yele anubɛ yi wo rɔ. A si yele wo do bi min basannɛ yi la ka a pusen bɔn wo ma iko wɔrɔnfila.

⁵²Wo kɔma, saraka-masɔlɛ ya kona min layigi yele anubɛ yi wo rɔ, a si kona wo bi ka kona wo kɛndɛ boloka soe kɔma kilɛ la. Kona wo si ta a ye pon! Saraka-masɔlɛ wa ban kɛ mumɛ bɛɛ mala tumɛ min, wo si bɔn wo sɛninya a kila bɛrɛbɛrɛ fɛ. Kɔnɔ ni saraka-masɔlɛ ya a taran a fundan bɔnɛ tun, a si a fɔ worɔ ko bon-sɛninyani ma. Anu si bɔn kɛ keri worɔ ka a kurinu anubɛ a borongbɛ anubɛ a kɔlɔmanu bi ka ta anu nakɛ-a-rɔ soe kɔma kan-tina-sɛninyabɛlɛ rɔ.[11]

⁵³

⁵⁴“Tɔn le kɛnu na fɛrɛma-kiraya-yogomɛnu wo, tɛlɛ anubɛ sumunɛnu wo, anubɛ kurɛnu findiki-koe wo anubɛ bonnu fundan bɔ-koenuna ko la.

⁵⁵

⁵⁶

⁵⁷Tɔn le kɛnu na min si fen-sɛninyanɛ anubɛ fen-sɛninyabɛlɛ dan-nafarɛ yira mɔgɛnu na.”