Read Kuranko Saraka-Masɔlɛnuta Tɔnnu 18 Bible Online

Saraka-Masɔlɛnuta Tɔnnu 18 - Kuranko bible

Saraka-Masɔlɛnuta Tɔnnu 18

¹Mari ya a fɔ Musa ye ko, “Wo tigi le nde, Mari Alla la.

³Wo kana Iyipiti mɔgɛnuna kɛ-nya bi, wo siginɛ kan tinɛ minnu tɔ fɔlɔn. Wo kana Kenan mɔgɛnu kɛ-nya bi, wo ye tala kan min fanan.

⁴Wo ni nta tɔnnu bira le gben! Wo tigi le nde, Mari Alla la.

⁵ Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

⁶Musa ya Mari kuman-kan latenbi Isirɛla mɔgɛnu ma. A ko, “Wo musi le kɛnu na, wo ti wo sa minnu fɛ.

⁷“Mɔgɔ kana a sa a na fɛ bawo wo si ma a fa ani fila a na lamiliya-koe la.

⁸ Mɔgɔ kana a sa kɛnu fanan fɛ, a na sena musi anubɛ

⁹ a tirisan-musi hali min makolota kan-tina-gbɛrɛ le. A kana a sa wonu fɛ.

¹⁰A si ma miliya-koe la ni mɔgɛ ya a sa a mamanɛ fanan fɛ.

¹¹Ni a taranta, mɔgɔ fa ya musi do furu, wo ni dunmusu-gbɛrɛkɛ to a kɔma ala kei-kɔrɛ warɛ, hali wo, mɔgɛ kana a sa dunmusi wo fɛ bawo a tirisan le wo fanan na.

¹² Mɔgɔ kana a sa a tɛnɛ-musi fɛ anubɛ a na dɔgɔ-musi.

¹⁴Mɔgɔ kana a sa a berenna musi fɛ.

¹⁵ Mɔgɔ kana a sa ala den-keminɛla musi fɛ.

¹⁶ Mɔgɔ kana a sa a na-kelen-nyɔgɔla musi fɛ, ni a mara a numɔgɔ musi la, ni wo ma, a mamani-musi.

¹⁷ Ni mɔgɛ ya a sa musi do fɛ nun kɔrɔma la, a kana a sa wola dunmusi fɛ tun, ni wo ma, a mamani-musi, fɔsɔkɔrɛ dunmusi wa sɔrɔnta ale le ma, a ma a lɔn. Wo si ma hakɛ-belebele la a kuma.

¹⁸Fananta ala musi ye a kɛndɛ la, a kana wo dɔgɔ-musi furu.

¹⁹ “Musi tenbi ala wati rɔ, mɔgɛ kana a sa wo fanan fɛ bawo a sɛninyani ma iko tɔn ya a fɔ nya min.

²⁰ Mɔgɔ kana a sa a ta-nyɔgɔla musi fɛ. Ni min ya wo ma, wo tigi sɛninyani ma worɔ tun.

²¹ “Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki[15] bɛsɛ ye. Ni min ya wo ma, wo ara mata Mari Alla tɔgɔ tinya.

²² Mɔgɔ kana a sa a ta-nyɔgɔ-kei fɛ. Wo ma di Alla ye mumɛ!

²³ Kei wo, musu wo, a kana a sa kolo-fan fɛ. Koe kɛ min ma daga, ni min ya wo ma, wo tigi sɛninyani ma tun.

²⁴“Wo ye tala kan min, Mari ye nala Kenan mɔgɛnu gbenna wo yarɔ bawo mɔgɛ wonu bi ko-yogomɛ kɛ siyaman mala. Anu ya anu nyɛrɛ ma mɔgɔ-sɛninyabɛlɛnu na Mari yala. Wole fanan kana wo nyɛrɛ ma wo nya.

²⁵Anuna sɔn-yogoyɛ ya a ma, anuna dugi ma sɛninya. Kenan mɔgɛnu ya miliya-koe kɛ sufa bɛɛ ladan, woletɔ anuna dugi wo ma sɛninya. Mari nyɛrɛ si dugi wo tɔrɔya. Dugi wo si ko-yogoma-kɛlɛnu nateseri iko mɔgɛ si fen-kasanɛ lateseri nya min. Wo kana ko-yogomɛ wo sufa ma mumɛ! Isirɛla mɔgɛ wo, sundan wo, wo do-wo-do kana bɔ Marita tɔnnu kɔrɔ.

²⁸Dugi kana na wole fanan nateseri iko a si na a ma Kenan mɔgɛnu na nya min.

²⁹Wo ni a lɔn yati ko ni mɔgɔ-wo-mɔgɔ ye kɛ sufa ko-yogomɛ mala, wo kana wo miri ko Allatɛ le wo tigi la tun.”

³⁰Mari nyɛrɛ ya a fɔ tun ko, “N bara tɔn minnu di wo ma kɛ la, wo ni wonu bira. Wo kana wo bila nyamanɛ wo mɔgɛnu kɛ-nya fɛ alako ka wo nyɛrɛ ma mɔgɔ-sɛninyabɛlɛ la fufafu! Wota Mari le nde, Alla la min bi kɛnu fɔla wo ye.”