Read Kuranko Saraka-Masɔlɛnuta Tɔnnu 27 Bible Online

Saraka-Masɔlɛnuta Tɔnnu 27 - Kuranko bible

Saraka-Masɔlɛnuta Tɔnnu 27

¹Musa ya Mari kuman-kan latenbi Isirɛla mɔgɛnu ma ko, “Ni mɔgɛ do ya a na-kelen-nyɔgɛ do dantɛgɛ Mari ma kɔnɔ tɔ-a-la, a sɔgɛ ye a la ka a kunyɛ bɔ lanyiri wo kɔrɔ, fɔ ni a ya wodi do bɔ.

³“Ni a mara den-keminɛ la min ma san loli bɔ wɛ, a si na wodi-gbɛ gbu loli la. Ni a mara dunmusu-nɛ le la min ma san loli bɔ wɛ, a si na wodi-gbɛ gbu sawa la. “Ni a mara keminɛ la min siyi ara tenbi san loli la kɔnɔ a ma ke wɛ san mogan rɔ fɔlɔ, lanyiri-tinyanɛ wo si na wodi-gbɛ gbu mogan na. Ni a mara dunmusi le la min siyi ara tenbi san loli la kɔnɔ a ma ke san mogan rɔ fɔlɔ, lanyiri-tinyanɛ wo si na wodi-gbɛ gbu tan la. “Ni a mara kemini-bulan la min siyi ara tenbi san mogan la kɔnɔ a ma ke wɛ san bi-wɔrɔ rɔ fɔlɔ, lanyiri-tinyanɛ wo si na wodi-gbɛ gbu bi-loli la. Ni a mara musu-ba le la min siyi ara tenbi san mogan la kɔnɔ a ma ke san bi-wɔrɔ rɔ fɔlɔ, lanyiri-tinyanɛ wo si na wodi-gbɛ gbu bi-sawa la. “Ni a mara kɛmɔgɔ-kɔbɔkɔbɛ la min siyi ara tenbi san bi-wɔrɔ la, lanyiri-tinyanɛ wo si na wodi-gbɛ gbu tan-ni-loli la. Ni a mara musu-kɔrɔ-kɔbɔkɔbɛ le la min siyi ara tenbi san bi-wɔrɔ la, lanyiri-tinyanɛ wo si na wodi-gbɛ gbu tan la.

⁸“Kɔnɔ mɔgɛ min ya lanyiri kiri wo la, ni a bolo-kolɔn le, a ti ke wodi mɔlɔn dila mɔgɔ-dantɛgɛnɛ wola ko la, a si na mɔgɔ dantɛgɛnɛ wo la saraka-masɔlɛ wara. Saraka-masɔlɛ wo si a dɛ fɔ iko kei wo si ke min nyɔgɔ wodi sɔrɔnna ka a labɔ.

⁹“Ni mɔgɔ ya kolo-fen-sɛnimɛ dantɛgɛ Mari ma kɔnɔ tɔ-a-la, a ni a yisi yɛlɛma, a kana kolo-fan wo mayɛlɛma kolo-fan do la hali kolo-fan tɔ-a-latɛ fɛrɛ nɔrɔnɛ a fɔlɔtɛ ko. Ni mɔgɛ ya a tui ka wo ma, Mari ko kolo-fen filɛ wo dama si ma atɛ la. Kɛ sufa sarakɛ sɛninyanɛ de Mari yala. Datoe wo kolo-fan min sɛninyanɛ iko tɔn ya a fɔ nya min, Mari halalɛ le wonu na.

¹¹Ni a taranta, mɔgɛ do ara a dato nun ka kolo-fen-sɛninyabɛlɛ di Marila wɔlɛla ko la kɔnɔ tɔ-a-la, a sɔgɛ ye a la ka kolo-fen-sɛninyabɛlɛ wo kunka saraka-masɔlɛ ma, a si ta kolo-fen-sɛninyabɛlɛ la a bolo saraka-masɔlɛ warɛ.

¹²“Saraka-masɔlɛ wo si a dɛ fɔ iko a ya kolo-fan wo fɛrɛ yen nya min. A wa a fɔ nya min, ale le wo la.

¹³A ye min dila kolo-fan wola ko la, ni a tɛgɛra ka wodi loli-loli le di a ma, a si a dafa wɔrɔ-wɔrɔ ma. Ala kolo-fan wo si sɛgi a ma worɔ.

¹⁴“Bɔn fanan bi wo nya na le. Saraka-masɔlɛ si a dɛ fɔ iko a ye bɔn yenna nya min. A wa a fɔ nya min, ale le wo la.

¹⁵Ni a sɔgɛ ye bon-tigi wo la ka bɔn wo kunka saraka-masɔlɛ ma, ni a tɛgɛra ka wodi loli le sara, a si a dafa wɔrɔ ma. Ala bɔn si sɛgi a ma worɔ.

¹⁶“A ye wo nya na le fanan kebila-mɔgɛnuna wɔli-kɛ-tinɛnu bara-koe rɔ. Ni kei do ya ala wɔli-kɛ-tinɛ wo do dantɛgɛ Mari ma kɔnɔ a sɔgɛ ye a la ka to wɔlila a rɔ, a si ta saraka-masɔlɛ taran. Saraka-masɔlɛ si wɔli-kɛ-tinɛ wo dɛ fɔ iko sugi min nyɔgɔn si fui sɛnɛ ma. Sugu-bɔrɔ kelan si san wodi-gbɛ-gbu sawa la. Gbu sawɛ kɛnuna gbiliyɛ manɛ le iko wodi-mɛlɛn wɔrɔnfilɛ ye nya min.

¹⁷Ni a ya a taran, Mɔgɔ-Halala-Fan-Lasɛgi-San bɔ san le tenbila, saraka-masɔlɛ ya dɛ min sa a kɔrɔ, a si wo mumɛ bɛɛ wodi di.

¹⁸Ni a ya a taran, san siyaman ara tenbi, a ni na to ala wɔli-kɛ-tinɛ dantɛgɛla Mari ma, saraka-masɔlɛ si a mafɛlɛn san min nyɔgɔn tonɛ ka ke Mɔgɔ-Halala-Fan-Lasɛgi-San ma. Saraka-masɔlɛ si do bɔ a dɛ la.

¹⁹Ni a sɔgɛ ye dugu-tigi la ka ala dugi wo kunka saraka-masɔlɛ ma tun, a si wodi labɔ iko saraka-masɔlɛ ya a fɔ nya min. Kɔnɔ ni a tɛgɛra, a ni wodi loli sara minna ko la, a si wo dafa wɔrɔ ma.

²⁰Ni a ya dugi wo mayira mɔgɔ-gbɛrɛkɛ ma, a ma dugi wo kunka Mari fɔlɔn ma, a ti yo sɔrɔn tun. A si foo dugi wo la fɛlɛlɛ!

²¹Hali Mɔgɔ-Halala-Fan-Lasɛgi-San wa ke, a tigi ti dugi wo sɔrɔn tun. Dugi wo si ma Maritɛ la kɔnɔ saraka-masɔlɛnu si to a wɔlila.

²²“Ni mɔgɛ do ya wɔli-kɛ-tinɛ san a ta-nyɔgɛ do ma, aleta ma min na, a ni wo dantɛgɛ Mari ma kɔnɔ tɔ-a-la, a miriya ni yɛlɛma, a sɔgɛ ye a la dugi wo ni sɛgi a ma tun,

²³saraka-masɔlɛ si a dɛ fɔ a ye iko san min nyɔgɔn tonɛ ka ke Mɔgɔ-Halala-Fan-Lasɛgi-San la. Wulɔn tele ti tenbi, fɔ a ni a sara. Wodi wo, Maritɛ le.

²⁴San wo wa ke, dugi wo si sɛgi a tigi-kɔrɛ ma. Ni ale sa nyɔ, a kegeya-mɔgɛ do ma.

²⁵“Saraka-masɔlɛ ye kɛ damasi dɛ fɔla nya min, a ye tola a gbɛ wo le tɔ yiri!

²⁶“Mari ko mala kolo-fannu bi den fɔlɔtɛ minnu sɔrɔnna, a mara ninki-dan la wo, a mara saga-dan la wo, hali a mara baa-dan le la, mɔgɔ kana a yɛ sɔ wonu na. Maritɛ le wonu na. Woletɔ mɔgɔ-wo-mɔgɔ kana lanyiri kiri kɛnu di-koe la Mari ma.

²⁷Ni kolo-fen-sɛninyabɛlɛ le, Mari ko ma si ke ka wonuna den fɔlɔtɛnu kunka wodi la. Ma si a san iko a dɛ sanɛ ma kɔrɔ nya min. Kɔnɔ ni loli-loli le, ma si kelen-kelen sa a kuma, a ni ta wɔrɔ-wɔrɔ. Kɔnɔ ni a san-sɔgɔ sa kolo-fen-tigi la, saraka-masɔlɛnu si a mayira mɔgɛ do ma iko a mɔlɔn tɛgɛnɛ anu bolo nya min. Wo si loli-loli le dɔrɔn di.

²⁸ “Ni mɔgɛ ya fenfen dantɛgɛ a dan na Mari ma, a mara mɔgɔ la wo, a mara kolo-fen na wo, a mara wɔli kɛ tina la wo, wo si ma Mari halalɛ la habadan!

²⁹Hali a mara hadama-dan la i wara min dantɛgɛ Mari ma, sɛ sa i ye tun worɔ ka wo kunka, fɔ a faganɛ.

³⁰ “Fenfen bɔra wola sɛnɛ anubɛ wola ki-fannu tɔ, wonu yaka, Maritɛ le wonu na.

³¹Ni a sɔgɛ ye mɔgɛ do la ka ala yaka kunka, a dɛ sanɛ saraka-masɔlɛ bolo nya min, a si wo sara. Ni loli-loli le, a si kelen-kelen sa a kuma. A ni ta wɔrɔ-wɔrɔ ka a don saraka-masɔlɛnu bolo.

³²Ma wa mala kolo-fannu dan kɔnɔntɔ, a tan nyɔgɛ, Maritɛ le wo la. Ma tenbi mala kolo-fannu nadonna sansan rɔ, ma ni anu dan

³³kɔnɔ ma tenbi anu danna, ni ma bolo bɛnta a kirɛ la, tana ma wo la kɔnɔ ma kana a kirɛnu yabɔ a kɛndɛnu ya la ka anu ma mata yaka la. Ni ma ara ban yaka bɔla, ma kana anu mayɛlɛma mumɛ! Ni ma ya wo ma, a filɛ bɛɛ si sɛninya ka ma Maritɛ la, ado fɛrɛ sa i bolo ka wo fenfen kunka.”

³⁴Tɔn kɛnu anubɛ sereya dira Musa ma Sinayi kɔnkɛ kuma Isirɛla mɔgɛnuna ko la.