Read Kuranko Yɛrɛmaya 20 Bible Online

Yɛrɛmaya 20 - Kuranko bible

Yɛrɛmaya 20

¹Saraka-masɔlɛ le Imɛrila den Pasura la. Ale le ye saraka-masɔlayɛ la Mari Bato-Bɔn kun na. Pasura wo ya wo bɛɛ lamɔɛn nkɛkuna,

²a ya a ma, anu ya nde, Yɛrɛmaya gbesi ka n sa banban la kantɔ-don-dɛ dafɛ min tɔgɛ Bɛnyamɛ Mari Bato-Bon-kata burɔ.

³Wo banda kɛ, Pasura ya n bɔ banban la. Nde, Yɛrɛmaya ya a fɔ a ye ko Mari ko a tɔgɛ ma tun Pasura. A tɔgɛ le gbɛ Kumakɔɛ Kan-Tinɛ Bɛɛ rɔ.

⁴Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

⁵Mari ko a si wola so-karantan kɛ fen-kolomɛnu di wo yogenu ma Babilɔn nyamanɛ rɔ. Wola mirannu wo, wola mansaya-fen-kolomɛnu wo, wo si foo wo dama la.

⁶A ko wo yogenu si ta ale Pasura, anubɛ ala bonna-mɔgɛnu na anu bolo fɔɔ Babilɔn. Anu si anu bira fɔrɔsɛ la ka ta anu natoron-toronna. Anu bi anu togonna nyɔ le. Ale Pasura ya wɔlɔyiya-foninya-kumɛ fɔ a diyana-mɔgɛ minnu ye, wonu dama fanan si faga nyɔ ka togon nyɔ.

⁷Mari, i wara n bolo labira ha n ma ara yuwaya. I ragbɛlɛ n ko, ado i wara n nɔ. N bara ma yɛlɛnma-fan la. Bɛɛ ye n mayɛlɛnna tumɛ bɛɛ.

⁸N tenbi kumala mɔgɛnu ye fɔ n ba n kan mayɛlɛ. N bi karagbɛlɛyɛ anubɛ kasarɛ le dɔrɔn wara-koe fɔla. N bi ile Marita sarakanɛ le dɔrɔn nakɛla mɔgɛnu ma, ado wo le ye a mala, mɔgɛnu bi n mamɔɛnna wati bɛɛ.

⁹Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

¹⁰N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

¹¹Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

¹²ado Mari Sɛnbɛ-Bɛɛ-Tigi, ile le si mɔgɔ-telennɛnu kɔrɔbɔ. I ya mɔgɔ-kɔntɛ-bɛrɛbɛrɛ lɔn. Kɔndɔfili min bi mabɛ mɔgɛ kɛnu tɛma, n bara ban wo yirala i la. Woletɔ a ma, tɔrɔyɛ min bɛnta anu ma, wo ni sigi anu ma n yala.

¹³Ma ni bɛti bɔ wona Mari ye. Ma ni Mari matɔgɔ bawo a ara makolamɛnu niyi lakisi. A ya wonu kunyɛ bɔ gbaran rɔ karagbɛlɛnu bolo.

¹⁴Alamɛ n sɔrɔn-tele ya dankɛ sɔrɔn. N na ya n nabɔ fɔnyɔ la tele min na, alamɛ duwa kana taran wo tele ye.

¹⁵Alamɛ kɛnɛ-tugulɛ ya dankɛ sɔrɔn min bara n fa kɔntɔ-diya-kumɛ fɔ.

¹⁶Alamɛ mɔgɛ wo mara iko soe wonu, Mari ya minnu tinya a fondo-bɔnɛ la. Alamɛ anu ni kɛlɛ-na-kan lamɔɛn subaga ma biribiri! Alamɛ a ni to kɛlɛ-sɔnkɛ lamɔɛnna burubukai!

¹⁷Alamɛ wo mara bawo a ma n faga n na burɔ. N na ni ma n kanbɛ la worɔ nun. N ti na nun duninya rɔ muk!

¹⁸ Nfenna n sɔrɔnta worɔ ka to tɔrɔyɛ anubɛ nimisɛ rɔ tolon? N bi n siyi banna miliyɛ le tɔ.