Read Kuranko Yɛrɛmaya 32 Bible Online

Yɛrɛmaya 32 - Kuranko bible

Yɛrɛmaya 32

¹ Sɛdɛkayala mansayɛ san tan nyɔgɛ ma Yuda nyamanɛ rɔ, Mari kumara n ye tun. Nɛbukanasala mansayɛ san tan-ni-segan le wo la Babilɔn nyamanɛ kun na.

²Wo ya a taran, Babilɔn kɛlɛ-dannu bi Yerusalɛm kɛnu kɛlɛla. Anu ya nde, Yɛrɛmaya sa yele la mansɛla bolɔn la kata burɔ Yuda nyamanɛ rɔ.

³Mari ko a si a ma, Babilɔn mansɛ ni Yerusalɛm bira. A ko ale Mansa Sɛdɛkaya kunyɛ ti bɔ a rɔ. Anu si a bira ka a don Babilɔn mansɛ bolo. Anu ya-den filɛ si bɛn ka kuma anu nyɔgɔn na. Mari ko anu si ta ale mansɛ la Babilɔn, ado a ko a si to nyɔ ha ale Mari ni a sako kɛ a la. Hali a ya Babilɔn kɛlɛ-dannu kɛlɛ a kun da filɛ la, a ko a ti anu nɔ. Mari kan le kɛ la. Ale mansa Sɛdɛkaya ya n sa yele la bawo n bara Mari kan kɛnu natenbi nun.

⁶Mari ara a fɔ n ye yele la nyɔ ko

⁷n fa Salumu, wola den Hanamɛli si na dugi do mayira n ma. Dugi wo ye Anatɔti soe dafɛ Bɛnyamɛ nyamanɛ rɔ. A ye a mayirala n ma bawo a na-kelen-nyɔgɔ-bɛrɛbɛrɛ le nde la, ado yoe ye nde fɔlɔn bolo ka a san.

⁸Iko Mari ara a fɔ n ye nya min, Hanamɛli nara n taran yele la ko n ni ala dugi san. N ya a lɔn wo le ma ko Mari nyɛrɛ le wara kuma n ye!

⁹N ya wodi-gbɛ-gbu tan-ni-wɔrɔnfila bɔ ka dugi wo san a ma.

¹⁰N ya kɛdi wo gba yɛlɛman dugi wola ko la ka n tɔgɛ sɛbɛ a kɔrɔ ka nta mandan sa a ma sereyɛnu yala. Wo kɔma, n ya wodi-gbɛ wo suman ka a gbiliyɛ lɔn.

¹¹N ya kɛdi wonubɛ a gba-yɛlɛman wo bi, mandan ye min ma wo, mandan sa min ma wo,

¹²ka wonu don Baruki bolo. (Baruki wo fa tɔgɛ le Nɛraya. A benba tɔgɛ le Meyaseya.) N ya kɛdi wonu don a bolo Hanamɛli anubɛ ma sereyɛnu yala. Wo donu tɔgɛ sɛbɛnɛ kɛdi wonu tɔ anubɛ Yahudiya minnu siginɛ kata burɔ nyɔ.

¹³N ya a fɔ Baruki ye anu dama yala ko,

¹⁴“Mari Sɛnbɛ-Bɛɛ-Tigi, Isirɛlata Alla ko i ni kɛdi kɛnu bi, mandan ye min ma wo, mandan sa min ma wo, ka anu sa bɔnku-dagɛ rɔ. Anu ni to bɔnku-dagɛ wo rɔ alako anu si mɛ nya min.

¹⁵Mari Sɛnbɛ-Bɛɛ-Tigi, Isirɛlata Alla ko yarɔma, a bon wo, a dugu wo, a wɔli-kɛ-tina wo, wo dama si ma feri-kɛ-fan la tun nyamanɛ kɛ rɔ.”

¹⁶N ban kɛdi wo donna Baruki bolo, n ya Mari madiya. N ko

¹⁷“E, ma Tigi Mari, i ya san-kole anubɛ dugu-kole ladan ita fanka le la. I ti kuri fenfen na.

¹⁸I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

¹⁹I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

²⁰Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

²¹I wara anu yogenu kumakɔ ita kabana-koenu na. I ya ma benbanu nabɔ ita fanka le la Iyipiti nyamanɛ rɔ.

²²I ya nyamani-hakikɛ kɛ di anu ma iko i ya anu benbanu yili-madiya nya min.

²³Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

²⁴“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

²⁵ado ma Tigi Mari, hali anu bi soe kɛ bira-koe rɔ, ile le ya a fɔ n ye ko n ni dugi kɛ san sereyɛnu yala.”

²⁶Mari ya a fɔ n ye ko

²⁷Mari le ale la min bi hadama-dan bɛɛ kun na. A ko a ti kuri fenfen ma.

²⁸ A ko a si soe kɛ latenbi Babilɔn Mansa Nɛbukanasa anubɛ ala kɛlɛ-dannu ma. Anu si soe bira

²⁹ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

³⁰Ka a bi Isirɛla mɔgɛnu anubɛ Yuda mɔgɛnu bakuri ma, a ko anu ma fenfen ma fɔ ka a ladiminya.

³¹Ka a bi soe kɛ sɔ-wati ma, a ko dugu dannu bara a ma, a ara kɔrɔtɔ wɛ kɛ. Woletɔ a ara soe kɛ kasara-koe latɛgɛ

³²bawo anu bara karagbɛlɛyɛ dan-natenbi soe kɛ burɔ. A Yerusalɛm ka wo, hali a Yuda ka to wo, a mansa wo, a mɔgɔ-ba wo, a saraka-masɔla wo, a nɛbi wo, a bɛɛ wunduyogo.

³³A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

³⁴ Bato-Bɔn min sɔnɛ a bato-tinayɛ la, a ko anu bara anuna kisimiriya-bɛsɛnu nadon nyɔ ka nyɔ latinya.

³⁵ Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

³⁶Isirɛlata Mari Alla ya a fɔ nde, Yɛrɛmaya ye ko n ya a fɔ ko kɛlɛ wo, kɔnkɔ wo, anubɛ kirayɛ si a ma, soe kɛ ni sa Babilɔn mansɛ bolo tɔ. A ko n ni n tole masɔ ata kumɛ kɛ la.

³⁷A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

³⁸Wo wa ma tumɛ min, a ko anu si ma ata mɔgɛnu na, ale si ma anuta Alla la.

³⁹A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

⁴⁰A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

⁴¹A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

⁴²A ara kasarɛ kɛ lana mɔgɛ kɛnu ma nya min, Mari ko a ye ko-nyimɛ latasakarala anu ma wo nya na le iko a ara anu yili-madiya nya min.

⁴³Mɔgɛnu bi a fɔla ko nyamanɛ kɛ si ma wula-da-rakolɔn la. Mɔgɔ ti taran nyɔ. Kolo-fen ti taran nyɔ, ado nyɔ si ma Babilɔn kɛnu halalɛ la. Kɔnɔ Mari ko wɔli-kɛ-tinɛnu ma si yira nyamanɛ kɛ rɔ tun.

⁴⁴Mɔgɛnu si anu san ka kɛdi ladan anu nyɔgɔn tɛma. Anu si anu tɔgɛ sɛbɛ a kɔrɔ ka anu mandan sa a ma. Wo kɔma, sereyɛnu fanan si anu tɔgɛ sɛbɛ a kɔrɔ. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ rɔ. A ye mala fanan Yuda nyamanɛ dugula soenu tɔ anubɛ gburukulinu bi nyamanɛ min tɔ. A ko a si nyamanɛ lasɛgi a tiginu ma tun. Ale Mari kan le kɛ la.