Read Kuranko Yɛrɛmaya 43 Bible Online

Yɛrɛmaya 43 - Kuranko bible

Yɛrɛmaya 43

¹Mata Mari Alla ya sarakanɛ min fɔ n ye anuna ko la, n ban wo fɔla anu ye,

²Hosayala den Asaraya anubɛ Kareyala den Yohenan anubɛ wasinte gbɛrɛnu ya a fɔ n ma ko, “I foni. Mata Mari Alla ma a fɔ ko ma kana ta sigi Iyipiti.

³Nɛrayala den Baruki le wara i latugu ma kan ma alako Babilɔn kɛnu ni ma bira ka ta ma la anu barɛ, ni wo ma, ka ma faga.”

⁴Yohenan wo, a kɛlɛ-den-kunyɛnu wo, a mɔgɛnu wo, wo fenfen ma Marita tɔn bira ka a tɛgɛ anu to-koe ma Yuda nyamanɛ rɔ.

⁵ Woletɔ Yohenan anubɛ kɛlɛ-den-kunyɛ bɛɛ ya mɔgɔ-tonɛnu bi Yuda nyamanɛ rɔ anubɛ minnu sɛgira ka bɔ Yuda dafɛ-nyamanɛnu tɔ. A kei wo, a musu wo, a denni wo, a mansɛla dunmusu wo, anu tara wonu na Iyipiti. Babilɔn kɛlɛ-den-kunyɛ Nɛbusaradan ya mɔgɛ minnu to Kɛdalaya bolo, anu tara wo bɛɛ la, ani mabɛ Baruki.

⁷Anu ya Marita kumɛ tinya ka ta ma la anu bolo fɔɔ Tapanisi soe burɔ Iyipiti nyamanɛ rɔ.

⁸Ma ke nyɔ, Mari ya a fɔ n ye ko,

⁹“Kuri donu bi ka anu togon borongbɛ rɔ kilɛ la Iyipiti mɔgɛnuna mansala bolon-don-dɛ yarɔ Tapanisi soe burɔ yan. I ni wo ma i ta-nyɔgɛ Yuda kɛ donu yala.

¹⁰A fɔ anu ye ko nde, Mari Sɛnbɛ-Bɛɛ-Tigi Isirɛlata Alla si na Babilɔn Mansa Nɛbukanasa la yan tɔ, nde, Marita wɔli-kɛlɛ, kɔni. Ala mansaya-waganɛ ye sigila kuri kɛnu denu kuma borongbɛ gbɛ rɔ yan. ado a si ala mansaya-fani-bɔn rafulen nyɔ kuma.

¹¹Nɛbukanasa si na Iyipiti nɔ feu! Minnu bɛnta, anu tɔgɔ ni to kirayɛ la, wonu tɔgɔ si to kirayɛ la. Minnu bɛnta, anu ni ta birɛ rɔ, fɔ wonu ba ta birɛ rɔ. Minnu bɛnta, anu tɔgɔ ni to kɛlɛ la, wonu tɔgɔ ye tola wo le la.

¹²N si tɛ tugu Iyipiti bɛsi-kɔ-bɔnnu na. Ni Babilɔn mansɛ ma Iyipiti bɛsɛnu mintan, a si ta anu na a bolo. Iko saga-fɛ-biralɛ si karangbɛ tɔnbɔn[7] ala kurɛ ma nya min, Babilɔn mansɛ ye Iyipiti kɛnu matɔnbɔnna wo nya na le ka ta a ye fanka la pon!

¹³Iyipiti mɔgɛnu bi tele kɔla kan min, kuru-lɛsɛnɛ minnu gbili anu ma nyɔ, Babilɔn mansɛ si kuru-lɛsɛnɛ wonu tatii ka anuna kɔ-tinɛ wonu mintan.”