Read Kuranko Isikiyɛli 42 Bible Online

Isikiyɛli 42 - Kuranko bible

Isikiyɛli 42

¹Wo kɔma, ko-rayira kelan wo rɔ, kei wo tara n na tun bon-dogbɛrɛ la konko-siyaman bi min tɔ kata burɔ. Bɔn wo tugunnɛ luyima-kata la kantɔ-wara la, ado nyɔ ma fɛ-yan tele-yigi wara la bɔn la.

²Bɔn wo lɔngbɔn, nunkan-nya kɛmɛ. A kɔnɛ, nunkan-nya bi-loli.

³Gbɛkole min bi bɔn wonubɛ Bato-Bɔn tɛma a tɔnkɔn doi rɔ, nunkan-nya mogan. A tɔnkɔn doi fanan yɛ lamununnɛ kuru-dɛnfɛnɛnu na minnu bi kata yarɔ. Bon sawa siginɛ anu nyɔgɔn kuma yɛlɛla. Bon-kɔrɔtɛ kolo a tɛmatɛ ko. A tɛmatɛ fanan kolo a kumatɛ ko.

⁴Bɔn wo kantɔ-wara la, kilɛ ye tala nyɔ a yarɔ min kɔnɛ nunkan-nya tan, a lɔngbɔn nunkan-nya kɛmɛ. Kilɛ wo don-dɛ ye kantɔ-wara la le.

⁵Bɔn wo kuma-konkonu dɔgɔ a tɛma-konkonu ko bawo a kumatɛ masɛginɛ a kɔma doni. A tɛma-konkonu dɔgɔ a kɔrɔtɛnu ko fanan. Sɛnbɛrɛn-kɔn sa konko wonu yarɔ iko a bɔn toenu bi nya min kata burɔ.

⁷Bon-kɔmɛ wo tɔnkɔn kelan, nunkan-nya bi-loli nyɔgɔn, da-wo-da sa bɔn wo kɔma-dandan ma. Kɔnɔ a lɔngbɔn toe wo, konko gbansan! Bɔn wo kuma filɛ, konko gbansan ye a lɔngbɔn filɛ bɛɛ rɔ.

⁹Konko min bi bɔn tele-bɔɛ wara la, wonu kɔrɔ, don-dɛ ye nyɔ min si ta a labila kata burɔ. Ale bon-subolo kelan sɔnɛ Bato-Bɔn dugula wara la fanan. Wo fanan ma fɛ-yan Bato-Bɔn tele-yigi warala bɔn la.

¹¹Kilɛ ye bɔn kɛ konkonu yarɔ tala iko kantɔ-warala-bɔntɛ ye nya min. Anu kantɔtɛ warala bɔn suman-nya kelen, a sɔ-nya kelen, a don-dɛ sɔ-nya fanan kelen.

¹²Don-da-wɛ kelen bi dugula warala bon-konkonu kɔrɔ. Don-dɛ wo ye bɔn wo tele-bɔɛ wara la ka ta a labila kata burɔ.

¹³Kei wo ya a fɔ n ye ko, “Bon filɛ kɛnu sɛninyani de bawo saraka-masɔlɛ minnu bi wɔlila Mari ye, wonu bi anuna saraka-sɛnimɛnu dɔnna bɔn wonu denu na. A mara fui-fen-saraka la wo, a mara hakɛ-saraka la wo, a mara yiliki-saraka la wo, wonu bi saraka-sɛnimɛ wonu namarala bɔn wonu denu na bawo a konkonu sɛnima.

¹⁴Ni a taranta saraka-masɔlɛ do ye bɔla Bato-Bɔn la ka ta kata burɔ mɔgɔ-gbɛrɛnu nadɛnnɛ kan min, yanni a ni ta nyɔ, a si Marita saraka-masɔ-kurɛnu bɔ ka wonu to konko wonu na bawo kurɛ wonu sɛninyanɛ. A si a halala-kurɛnu don yanni a ni ta mɔgɛ doinu tɛma.”

¹⁵Kei wo ban Bato-Bon-burɛ sumanna, a tara n na tele-bɔɛ don-dɛ kɔmatɛ wara la ka ta Bato-Bɔn fɛ-lɛ suman-tinɛ.

¹⁶A ya fen-suman-kɔlɔma wo bi ka tele-bɔɛ waralɛ suman. Wo bɛnta nunkan-nya kɛmɛ loli ma.

¹⁷Wo kɔma, a ya kantɔtɛ suman anubɛ dugulatɛ anubɛ tele-yigi waralɛtɛ. Wo bɛɛ nunkan-nya kɛmɛ loli-loli.

²⁰Kata wo tɔnkɔn nanɛ bɛɛ nunkan-nya kɛmɛ loli-loli. Allatɛ ye min na anubɛ mɔgɛnutɛ ye min na, kata wo ye wonu dan le la.