Read Kuranko Isikiyɛli 9 Bible Online

Isikiyɛli 9 - Kuranko bible

Isikiyɛli 9

¹N ya Alla seren-seren-kan lamɔɛn, a ye a fɔla ko, “Wole min bi nala Yerusalɛm tɔrɔla, wo na de! Wo na wola kɛlɛ-mirannu na wo bolo.”

²Tiriyante wo rɔ, n ya kemini-mɔgɔ wɔrɔ yen nala ka bɔ tenbi-bolɔn kan tɔ, kɛlɛ-miran ye anu bolo tɔ. Min sanɛ wo kuma, mɔgɔ kelen bi anu tɛma linɛn-duruku-ba ye wo kan na. Sɛbɛli-kɛ-fannu bi a bolo tɔ. Anu dama nara anu sɔ saraka-mintan-tinɛ dafɛ min nadannɛ silɛɛ la.

³Wo wati rɔ, Isirɛlata Allata wan-takanɛ bɔra melikala muninyɛnu kuma, a ye kan min nun. A tara Bato-Bɔn don-dɛ la. Sɛbɛli-kɛ-fannu bi linɛn duruku-tigi min bolo, Mari ya a fɔ wo ye ko,

⁴ “Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

⁵Wo kɔma, n ya a yen Mari ye a fɔla doi wonu ye ko, “Wo ni wo bila a fɛ soe burɔ. Ni a ma tamasere sa min telɛ ma, wo ni wo tigi faga. Wo kana anu do-wo-do to anu niyi la. Anu do-wo-dola hina kana don wo rɔ.

⁶A kɛmɔgɔ wo, a kemini wo, a sunkurun-mɛsɛ wo, a denba wo, a den wo, wo ni anu bɛɛsi faga tɛrr! Kɔnɔ ni wo ya tamasere yen min telɛ ma, yanba kana yalan wo ma de! Wo ye a dabirala Bato-Bon-luyi ma yan de!” Anu ya a dabira mɔgɔ-ba mogan-ni-lolinu denu ma minnu bi luyi ma.

⁷Alla ya a fɔ anu ye ko, “Wo ni Bato-Bɔn latinya. Wo ni kata-burɛ lafa hadama-den-suyi la. Wo ta gbɛ!” Woletɔ anu ya mɔgɛnu fagɛ dabira soe burɔ.

⁸Fagalɛ wo ye kɛla tumɛ min, n kelen pe le sɔnɛ nyɔ nun. N ya n naburun a ma dugi ma. N ya n dɛ sa-a-rɔ nyinikali-kɛ-tinɛ, n ko, “E, n Tigi Mari Alla, i fonde bɔnɛ Yerusalɛm kɛnu kan ma min kɛ, woletɔ i si Isirɛla mɔgɛ toe bɛɛ lato wola ko la, wa?”

⁹Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

¹⁰N ti kinikini anu ma. N si a ma anu na iko anu denu fanan bara a ma doinu na nya min.”

¹¹Wo kɔma, sɛbɛli-kɛ-fannu bi linɛn-duruku-tigi min bolo, wo nara a dantɛgɛ Mari ye ko, “N bara a ma iko i ya a fɔ n ye nya min.”