Read Kuranko Yilan-Yilan Koe 10 Bible Online

Yilan-Yilan Koe 10 - Kuranko bible

Yilan-Yilan Koe 10

¹Mari ya a fɔ Musa ye ko,

²“I ni wodi-gbɛ gbesi a kin na ka a ma buru fila la ka wonu ma nyama-kele-fan la anubɛ ka dagɛ raka.

³I wa ban buri wonu nadanna tumɛ min, i ni anu don Arunala den-keinu bolo. Ni a sɔgɛ ye i la ka Isirɛla mɔgɛ bɛɛ ladɛn nta Fani-Bɔn don-dɛ la, anu si buru filɛ wonu fɛ anu nyɔgɔn fɛ.

⁴Ni a sɔgɛ ye i la ka kun-tigi wonu nadɛn, anu ni buru kelen de dɔrɔn fɛ.

⁵Anu ba wuli tala tagama rɔ, buri fɔlɔtɛ min bi fɛla, bɔnsɔn sawɛ minnu bi tele-bɔɛ wara la, wonu si wuli ka ta.

⁶Buru-fɛ fila nyɔgɛ, bɔnsɔn sawɛ minnu bi dugula wara la, wonu fanan si anu nasɔ ka ta. Anu si ban natala ka le ha anu si nyɔ rakolonya.

⁷Ni anu ya a fɛ lata-a-rɔ dɔgɔdɔgɔ, anu na si dɛn. Ni anu ya fɛ tɛgɛ-a-rɔ, anu si anuna tagama dabira.

⁸Arunala den-keinu si to wɔlɛ wo kɛla. “N bi nala min fɔla i ye, wo si ma namunyɛ la wobɛ Isirɛla mɔgɛnu ye tɛban!

⁹Ni wo yogenu nara wo taran wola nyamanɛ rɔ, Aruna anubɛ ala dannu si buri wonu fɛ. Nde, Mari Alla si n miri wo ma ka wo kisi.

¹⁰“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”[8]

²⁹Kɔnɔ yanni anu ni wuli ka bɔ Sinayi wulɛ rɔ, Musa ya a fɔ ala musi, wo kɔrɔ-keminɛ Hobabu ye ko, “A ara to doni ma ni ta kan tinɛ wo rɔ Mari ya min di ma ma. Mari ya lanyiri kiri ma ye ko ma si nɔnfuli siyaman sɔrɔn nyɔ. Ni ile nara kofu ma ma, ma si a ma, ile fanan ni do sɔrɔn.”

³⁰Yɛtirola dan Hobabu ya a fɔ Musa ye ko, “N ma la a la ni n si bila wo fɛ, fɔ n ba sɛgi tun n barɛ.”

³¹Musa ya a madiya ko, “I yandi, i kana ma boloka. I ya nyamanɛ kɛ ralɔn ka tenbi nde la. I si ke ka kilɛ yira ma la ma si bila min fɛ ka ta.

³²Ni ile sɔnta ka bila male fɛ,[9] Mari ye duwɛ min bɛɛ yigila ma kuma, ma si a ma, ile fanan ni wo do sɔrɔn.” Isirɛla Mɔgɛnu Nyɛnsɛn-Koe ka Bɔ Dagɛ Rɔ Isirɛla mɔgɛnu bɔɛ Iyipiti, wo ara san kelen karɛ kelen bɔ ani tele mogan kɔnɔ anu ya karɛ tan-ni-kelen bɔ Sinayi wulɛ rɔ. Wo tele nyɛrɛ rɔ, Allata banda-fin-gbɛ wulita Sinayi wulɛ rɔ ka ta Paran wula-da-rakolɔn rɔ. Anuna tagama dabira fɔlɔtɛ le kɛ la iko Mari ya a fɔ nya min. Anu tara ka le. Yuda bɔnsɔn fɔlɔn sɔra yarɔ anuta tamasere wo kɔrɔ. Aminadabula dan Neson wo le kun-tigi la Yuda bɔnsɔn kun na. Isakari bɔnsɔn tugunnɛ wonu na. Suwala dan Natanɛli, wo le kun-tigi la Isakari bɔnsɔn kun na. Sɛbulɔn bɔnsɔn tugunnɛ Isakari bɔnsɔn la. Hilɔnla dan Ɛliyabu, wo le kun-tigi la Sɛbulɔn bɔnsɔn kun na. Wo mara bɔnsɔn laban la ka tagama Yuda bɔnsɔnta tamasere kɔrɔ. Wo mara bɔnsɔn sawa nyɔgɛ la min bi Yuda bɔnsɔn fɛ. Kɛrisɔn anubɛ Mɛrari kebilɛ minnu bi Lifayi bɔnsɔn kɔrɔ, wonu ya Marita Fani-Bɔn wayan ka a sa kirindinu tɔ sara-ninki si min (...)

³³Kohati kebilɛ min bɔra Lifayi bɔnsɔn rɔ, wonu fɔlɔn ya Marita tɔn-kenkirɛ bi ka bila Marita banda-fin-gbɛ wo fɛ. Tuma-wo-tuma, a ye anu yarɔ. A ye kilɛ yirala anu na anu si ta kan min.

³⁵ Kɔnɔ ni anu bi tɔn-kenkirɛ bila tuma-wo-tuma ka ta, Musa si a kan mayɛlɛ ka a fɔ ko, “E, Mari, i lakɔɛnma ka i yogenu tanyɛnsɛn ma yarɔ. I ma di mɔgɛ minnu ye, wonu ni anu buri i kɔrɔ.”

³⁶Anu ba ke anu daga-makɛ-tina-kurɛ rɔ tuma-wo-tuma, anu si Marita tɔn-kenkirɛ sigi. Wo kɔma, Musa si a fɔ kan-wɛ la tun ko, “E, Mari, na sigi male Isirɛla mɔgɔ waga siyaman tɛma tun.”