Read Kuranko Sakaraya 3 Bible Online

Sakaraya 3 - Kuranko bible

Sakaraya 3

¹Saraka-Masɔla-Kun-Tigi-Wɛ Yen-Koe Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

² Mari ya a fɔ ko, “Setanɛ, tonya sa i bolo. Yerusalɛm di nde, Mari ye. Yasowa kɛ ma ara tanka iko kɔlɔma anu bara min nabɔ tɛ rɔ.”

³Yasowa sɔnɛ Mari yakɔrɔ nyɔ kura-nɔgɔnɛnu bilanɛ a kan na.

⁴Mari ya a fɔ a nyɛrɛ-kɔrɔ-wɔlilɛnu ye ko anu ni kei kɛla kura-nɔgɔnɛnu bɔ a ma ka ta anu na. Wo kɔma, a ya a fɔ ale Yasowa ye ko, “N bara i hakɛ makoto, ado n bi kura kurɛnu denu dila i ma gbɛ!”

⁵Nde, Sakaraya ya a fɔ Marita wɔli-kɛlɛnu ye ko anu ni na nɛ la ka a mini ale Yasowa kunyɛ la iko fulɛ. Anu ban wo mala, anu ya kura-kurɛnu don a ma. Kɛ dama rɔ, Mari sɔnɛ nyɔ.

⁶Mari Sɛnbɛ-Bɛɛ-Tigi ya ale Yasowa makawandi. A ko, “Ni i ya nta tɔnnu bira ka ila saraka-masɔ-wɔlɛ bɛɛ kɛ n ya min di i ma, n si a ma, i ni to nta Bato-Bɔn anubɛ a kata kun na. N si sɔn ile Yasowa ni basan nde, Mari dafɛ-melikanu na.

⁸ Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ[1] lawuli worɔ, nta wɔli-kɛlɛ, kɔni.

⁹N bara kuru-da-gbɛlɛ sigi ile Yasowa yakɔrɔ min tonko wɔrɔnfila ye a ma. N si sɛbɛli do kɛrɛndɛ a ma. N si nyamanɛ hakɛ bɔ a ma tele kelen pe kɔrɔ.

¹⁰ Wo tele wa ke, wole kelen-kelennamɛ-bɛɛ si a sigi-nyɔgɛ kele. Wo la wa dɛn, wonu ni nyagalen wo nyɔgɔn fɛ yisi-kimɛ rɔ. Wo wati si a taran, wola ki-fannu bara nanfa kubukubu!”