Read Kuranko Sakaraya 6 Bible Online

Sakaraya 6 - Kuranko bible

Sakaraya 6

¹Kirindi Nani Yen-Koe Ko-rayirɛ do kera n ye tun. Kɛ rɔ, n ya kirindi nani yen nala ka bɔ sila-kɔnkɔ fila tɛma.

² Kirindi fɔlɔtɛ, so-wulannu denu bi wo saganna. A fila nyɔgɛ, so-finyɛnu denu bi wo saganna.

³ A sawa nyɔgɛ, so gbɛnu denu bi wo saganna. Kirindi nani nyɔgɛ, so-mapusannu denu bi wo saganna.

⁴Ale melika min bi ko-rayirɛ kɛ kɔrɛ yirala n na, n ya wo manyinika, n ko, “N fa, kɛ wonu kɔrɛ ye kama wo?”

⁵ A ya a fɔ n ye ko, “Kɛnu nanɛ ka bɔ duninya-tigi Mari bolo. Wonu bi tala duninya-tonko-nanɛ rɔ.”

⁶So-finyɛnu bi kirindi min saganna, wonu tamatoe Babilɔn wara la le. So-gbɛnu tamatoe tele-yigi wara la. So-mapusan wonu tamatoe Iyipiti nyamanɛ wara la.

⁷So-wulan wonu tamatoe tele-bɔɛ wara la. Anu bi anu matɛnna ta-koe la alako anu ni duninya korongban. Melika ya a fɔ anu ye ko, “Wo ta. Wo ni duninya korongban.” Anu tara.

⁸Wo kɔma, ale melika ya n takele, a ko, “Soee minnu tara Babilɔn wara la, wonu bara a ma, Mari fonde ma ara kimɛ.”

⁹Mari le ya sarakanɛ kɛ don nde, Sakaraya bolo.

¹⁰Mɔgɔ-birani-kɔrɛ Hɛladayi anubɛ Tobaya anubɛ Yɛdaya nara kɔ-fan minnu na ka bɔ Babilɔn, Mari ko n ni ta wonu na Sɛfanayala den Yosaya wara bɔn la.

¹¹Anu ya sɛnɛ anubɛ wodi-gbɛ minnu ma kɔ-fan la, a ko n ni wonu nadan mansaya-fulɛ la. N ni ta wo don Saraka-Masɔla-Kun-Tigi-Wɛ Yasowa kunyɛ la, Yɛhosadakila dan, kɔni.

¹² A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

¹³A ko wo le ye Bato-Bɔn sɔla, ado bolɔn wo fanan si gbiliyɛ sɔrɔn iko mansɛ ye a sɔrɔnna nya min ka mansayɛ kɛ ala mɔgɛnu kun na. Ale mansɛ si ma saraka-masɔlɛ la ka sigi mansaya-waganɛ rɔ. Yisi-kimɛ si taran sɔ-tina filɛ kɛnu tɔ.

¹⁴A ko mansaya-fulɛ wo si to Mari Bato-Bɔn la alako mɔgɛnu ni to anu mirila Hɛladayi anubɛ Tobaya anubɛ Yɛdaya anubɛ Yosaya ma.

¹⁵A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.