Read Kuranko Malakayi 4 Bible Online

Malakayi 4 - Kuranko bible

Malakayi 4

¹Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

²Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

³Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

⁴A ya tɔn min di ala wɔli-kɛla Musa ma Sinayi kɔnkɛ kuma, a ko wo ni wo miri wonu denu ma. A ya wo don a bolo alako Isirɛla mɔgɛ bɛɛ ni ala tɔn wonu bira.

⁵ Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

⁶A ko wo si dannubɛ anu sɔrɔnbagɛnu yisi sa anu nyɔgɔn kuma. Ni anu ma sɔn tola ko kelen tɔ, a ko ale Mari si na ka wola nyamanɛ bɛɛ halaki.