Read Kuranko Matiyu 5 Bible Online

Matiyu 5 - Kuranko bible

Matiyu 5

¹Yisa ya nyama yen min kɛ, a yɛlɛta kɔnkɛ kuma anu yarɔ ka a mayigi. Ala karan-dannu yɛlɛta a fɛ nyɔ.

²A ya anu karan dabira.

³A ko, “Mɔgɔ-sewanɛ le wo mɔgɛ la min si a yigi bɛɛ sa Alla rɔ bawo Alla min bi Arinyɛni tɔ, a si ata mansayɛ sɔrɔn!

⁴ Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

⁵ Mɔgɔ-sewanɛ le wo mɔgɛ la min famayiginɛ Alla ye bawo Alla si duninya bɛɛ ma atɛ la!

⁶ Mɔgɔ-sewanɛ le wo mɔgɛ la Alla sako-kɛ-koe di min ye bawo Alla si wo tigi wasa feu!

⁷Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

⁸ Mɔgɔ-sewanɛ le wo mɔgɛ la min sɔndɔmɛ gbɛnɛ bawo a si to Alla fɛ!

⁹Mɔgɔ-sewanɛ le wo mɔgɛ la min bi yisi-kimɛ lanala mɔgɛnu tɛma bawo Alla si ale kele ko ata mɔgɛ!

¹⁰ Mɔgɔ-sewanɛ le wo mɔgɛ la anu bi min tɔrɔla ala ko-latelennɛla ko la bawo Alla min bi Arinyɛni tɔ, a si wota mansayɛ sɔrɔn!

¹¹ “Mɔgɛnu ba wo mɔɛn ka wo bira boloko-yogomɛ-kɛ ka tɔgɛ sa wo la ndela ko la, wo tigi ni sewa.

¹² Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

¹³ “Wo manɛ mɔgɛnu ye iko kɔgɛ. Ni kɔgɔ-diyɛ bɔra a la, a si diya kama tun? A ti fenfen nyinya worɔ fɔ ka a lakɛ a rɔ mɔgɛnu kian kɔrɔ. Anu ni tagama a kuma.

¹⁴ “Wo manɛ mɔgɛnu ye iko wan-takanɛ, ado soe min sɔnɛ kɔnkɛ kuma, wo dogon-koe gbɛlɛ.

¹⁵ Mɔgɔ ti lɛnpu lamalan ka bɔnku-dagɛ burun a kuma fɔ ka a sigi san ma. A si waan raka mɔgɛ bɛɛ ye bɔn la worɔ.

¹⁶ Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

¹⁷“Alla ya tɔn minnu di Nɛbi Musa ma wo, anubɛ nɛbinuna karan wo, wo kana wo miri ko n bara na wonu bɔ tinɛ anu gbɛ rɔ. N ma na ka wonu bɔ anu gbɛ rɔ fɔ ka anu dafa.

¹⁸ Wo ni wo hɛnkili to kɛ ko! Fananta san-kole anubɛ dugu-kole ye nyɔ, hali a nyantarani, a ti bɔ tɔn la fɔ tɔn bɛɛ da ni fa.

¹⁹Woletɔ hali tɔn dɔgɔmanɛ, ni min ba a ban wo bira-koe ma ka donu karan wo ma fanan, Alla min bi Arinyɛni tɔ, wo tigi si ma mɔgɔ-dɔgɔmanɛ la ata mansayɛ rɔ. Kɔnɔ ni min si tɔn bira ka donu karan a bira-koe ma, wo tigi si ma mɔgɔ-ba la Allala mansayɛ rɔ.

²⁰N bi a fɔla wo ye, ni wo ma telen ka tenbi tɔn-karan-mɔgɛnu anubɛ Farisinu na, wo ti don Allata mansayɛ rɔ ni!

²¹ “A fɔra fɔlɔ-mɔgɛnu ye ko, ‘I kana mɔgɔ faga, ado ni min ya mɔgɔ faga, mɔgɔ-banu si wo tigi kiti.’ Wo ma wo lamɔɛn nun, ba?

²²Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

²³Woletɔ ni i ye a fɛ ka Alla kɔ saraka mintan tinɛ kuma Mari bato-bɔn la, i hɛnkili la ni bila ko ila ko siginɛ i ta-nyɔgɛ burɔ,

²⁴ila kɔ-fan to saraka mintan tinɛ tɔgɔfɛ. I ni ta tiriya ka yisi-kimɛ don wobɛ i ta-nyɔgɛ tɛma. Wo wa ban, i ni sɛgi ka ila kɔ-fan di Alla ma.

²⁵“Ni i bilara mɔgɛ do la, yanni a ni ta i lakiti, i ni a madiya. Ni i ma wo ma, a si ta i la ka i don kiti-tɛgɛlɛnu bolo. Wonu si i don i maralɛnu bolo. Wonu fanan si i sa yele la.

²⁶Wo ni wo hɛnkili to kɛ ko! I ti bɔ nyɔ ni! Fɔ i ni yili wo bɛɛ sara feu!

²⁷ “Wo ara a lamɔɛn nun ko, ‘I kana yɛlɛnyɛ kɛ.’

²⁸ Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

²⁹Woletɔ ni i bolo-nyimama-yɛ ya i don hakɛ rɔ, a labɔ a kolon rɔ ka a lakɛ a rɔ! Yanni i fɛrɛ-bɔnkɛ bɛɛ la ni don nyahanama rɔ, a fisa, i ni foo i ya-kelan wo la.

³⁰ Ni i bolo-nyimɛ ya i don hakɛ rɔ, a tɛgɛ a la ka a lakɛ a rɔ! Yanni i fɛrɛ-bɔnkɛ bɛɛ la ni don nyahanama rɔ, a fisa, i ni foo i bolo kelan wo la.

³¹ “A fɔra fanan ko, ‘Min ba ala musi boloka, fɔ a ni furu-tinya-kɛdi di a ma.’

³² Kɔnɔ kaka, n bi a fɔla wo ye, ni mɔgɛ ya ala musi boloka, ni musi wo ma yɛlɛnyɛ kɛ,[9] a ara musi wo sɔ yɛlɛnyɛ la wo rɔ, ado ni kei-gbɛrɛ ya a furu, wo fanan bara yɛlɛnyɛ kɛ.

³³ “A fɔra fɔlɔ-mɔgɛnu ye fanan ko, ‘I kana i dakan tinya. I wara lanyiri kiri minna ko la Mari ye, fɔ i ni wo ma.’ Wo ara wo lamɔɛn, nyɛ?

³⁴ Kɔnɔ kaka, n bi a fɔla wo ye ko wo kana wo gboro Arinyɛni tɔ bawo Allata mansaya-waganɛ le wo la.

³⁵ Wo kana wo gboro dugu-kole rɔ bawo Alla kin-sɔ-tinɛ le wo fanan na. Wo kana wo gboro Yerusalɛm tɔ bawo ale Alla-mansa-ba-warɛ le soe wo la.

³⁶Hali wo kunyɛ, wo kana wo gboro a rɔ bawo hali wo kun-sigi kelan, wo ti ke a lafinna, ni wo ma, ka a ma, a ni gbɛ.

³⁷Ni i ko, ‘Ɔn,’ a ni ma ɔn la. Ni i ko, ‘Ade,’ a ni ma ade la. I wa min fɔ wo kɔma, wo bɔnɛ Setanɛ bolo.

³⁸ “Wo ara a lamɔɛn nun ko, ‘Yɛ-nyɔgɔn le yɛ la. Nyin-nyɔgɔn le nyin la.’

³⁹Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

⁴⁰Ni mɔgɛ ya ila duruku-kɔrɔ-donyɛ bi i bolo min dɛ ma gbɛlɛ kiti sa tinɛ, i ni a kumabilɛ fanan di a ma min dɛ gbɛlɛ.

⁴¹Ni kɛlɛ-dan do ya i fɔrɔsɛ ko i ni ta ala dunɛ la mɛli kelen, i ni ta a la ha mɛli fila.

⁴²Ni mɔgɛ ya fan manyinika i bolo, i ni wo di a ma. Ni mɔgɛ do tara i wara yili tɛgɛ tinɛ, i ni a dɔndɔ.

⁴³ “Wo ara a lamɔɛn nun ko, ‘I ni i diyana-mɔgɛnu keni. I yogenu ni gboya i ye.’

⁴⁴Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

⁴⁵Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

⁴⁶Ni i ya i diyana-mɔgɛ dɔrɔn keni, i si barayi nyamintan sɔrɔn Alla bolo? Hali duti-makelelɛnu[10] fanan si wo ma!

⁴⁷Ni i ya i diyana-mɔgɛ dɔrɔn kɔndɔn, i wara nfen ma worɔ ka tenbi mɔgɛ doinu na? Hali minnu sa Alla batola, wonu fanan si wo ma!

⁴⁸ Wo ni wo telen iko i Fa Alla min bi Arinyɛni tɔ, wo telennɛ nya min.”