Read Kuranko Ɛfɛsa 3 Bible Online

Ɛfɛsa 3 - Kuranko bible

Ɛfɛsa 3

¹Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

²Wo ara a lamɔɛn nun ko Alla ara wɔlɛ kɛ don nde bolo alako wole fanan ni tɔnɛ sɔrɔn a rɔ, wo ma? A ya wo ma bawo wo di a ye.

³Alla ara ala gbundu-ko-latɛgɛnɛ lankɛnimaya nde ye. (N ban-san le wo doni sɛbɛla wo ma.

⁴ N bara hɛnkili min sɔrɔn Kirasitila gbundu-koe wo rɔ, ni wo ya wo karan, wo si a nya-yen.)

⁵Gbundu-koe kɛ ma fɔ wɛ hadama-dan ye nun fɔlɔ kɔnɔ Alla ara a labɔ gbɛ rɔ kaka ala kilaya-sɛnimɛnu anubɛ nɛbinu ye ata Ni-Sɛnimɛ baraka rɔ.

⁶Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

⁷Alla ara n ma ata wɔli-kɛla-yabɔnɛ la ata sɛnbɛ fɛ. Wɔlɛ wo mara nta sanbɛ la Alla bolo. Ale le ya wo di n ma.

⁸Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

⁹Alla min ya fan bɛɛ dan, wo le ya ala gbundu-koe dogon fɔlɔ-mɔgɛnu ma kɔnɔ a ya fɛrɛ di nde ma ko n ni kawandili bɔ alako mɔgɛ bɛɛ ni ata gbundu-koe kɛ nya-yen.

¹⁰A ya wo dogon anu ma nun alako melika-kun-tiginu anubɛ nyina-kun-tigi minnu bi kan tinɛ bɛɛ rɔ, wonu ni ata hɛnkilimaya-su bɛɛ nya-yen chɔchi baraka rɔ kaka.

¹¹Alla ya wo ma Mari Yisa, Allata-Mɔgɔ-Yabɔnɛ baraka rɔ iko a ara a latɛgɛ nya min nun kebi fɔlɔfɔlɔ.

¹²Nba, wola ko la, ma si ke ka ma madon Alla la dɛnkɛninyɛ fɛ yili-latɛgɛ la ma bolo Yisa Kirasiti baraka rɔ.

¹³Woletɔ n bi wo madiyala ko n bi tɔrɔyɛ min kɛla wola ko la, wo kana a ma, wo yisi ni tinya bawo wota tɔnɛ le tɔrɔyɛ wo bɛɛ la.

¹⁴Ka a tɛgɛ wo kɔsɔn ma, n bi n nyɛnkinna ma Fa Alla kɔrɔ

¹⁵nima-fan bɛɛ ya a niyi sɔrɔn ale min bolo, san-kole anubɛ dugu-kole ma.

¹⁶N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

¹⁷N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

¹⁸Alamɛ wole sibolo-gbɛrɛnu anubɛ Allata mɔgɔ-toenu ya sɛnbɛ sɔrɔn ka Kirasitita keninteyɛ wara-nya lɔn, ado ala keninteyɛ dan sa.

¹⁹N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

²⁰Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

²¹Alamɛ gbiliyɛ dira ale Alla ma chɔchi la, Kirasiti Yisa baraka rɔ wati bɛɛ rɔ habadan! Amina!