Read Kuranko Yasowa 15 Bible Online

Yasowa 15 - Kuranko bible

Yasowa 15

¹Nyamanɛ min dira Yuda bɔnsɔn-mɔgɛnu ma, wo dabirara dugu la Dalɛ Faganɛ[22] ma ha ka ke Akiribin don-dɛ ma ha ka ke Idɔm wulɛ rɔ min tɔgɛ Sin. Dan wo le tara ha Kɛdɛsi-Baniya soe dugula ha ka tenbi Hɛsirɔn soe la. Wo le yɛlɛta ha Adari soe ka ta ke Karaka soe wara la,

⁴ha ka ke Asimon soe ma. Ka bɔ nyɔ, a bilara yi-dɔgɔmɛ do fɛ min bi Iyipiti dan la ka ke kɔgɔ-yi ma. Isirɛla mɔgɛnuta dan le kɛ la dugula.

⁵Yuda mɔgɛnuna nyamanɛ-dan mara Dalɛ Faganɛ la tele bɔɛ. Wo le tara kantɔ ha Yorodan bɛ ya a labila Dalɛ Faganɛ ma kan min. Ka a dabira nyɔ, dan min bi kantɔ-wara la,

⁶wo le tara fanan ha ka ke Bɛti-Hɔgala soe ma. Wo le tara ha kantɔ ka ke kɔnkɔ-bolɔn do ma min yɛ layiginɛ Yorodan-ba-lɛɛ ma. Wo le tara tun fanan ha ka ke Bohan kuru-gbui ma (Bohan, Rubɛnna dan le wo la min tɔgɛ sara kuru-gbui wo kuma),

⁷ka ke Nanparan fole ma ka yɛlɛ ha Diba soe ha ka ta ke Kɛlailoti kantɔ min yɛ lamununnɛ Adumim don-dɛ la Nanparan fole dugu la. Wo kɔma, dan wo tara ha ka ke Ɛnsimɛsi tenke ma ka bɔ Ɛnrogɛli soe ma

⁸ha ka tenbi Hinom lɛɛ la min bi kɔnkɛ wo dugu la Yebusi mɔgɛnuna soe Yerusalɛm bi kan min. Dan wo le yɛlɛta kɔnkɛ kuma Hinom lɛɛ tele-yigi wara la min bi Rɛfayim folo-kunyɛ la.

⁹Ka bɔ nyɔ a tara Nɛfatowa tenke wara la ha ka ke soe donu ma minnu bi Ɛfirɔn kɔnkɛ da kɔrɔ. Ka bɔ nyɔ a tara Kiriyati-Yirɔm min tɔgɛ nun Beyala.

¹⁰A miniminita Kiriyati-Yirɔm tele-yigi-fan ma Sira kɔnkɛ wara la. A tara Yiyarim kɔnkɛ kantɔ, anu bi min kelela ko Kɛsalɔn ka yigi Bɛti-Simɛsi ha ka tenbi Timina soe la.

¹¹Dan wo le tara ha ka ke kɔnkɛ ma min bi Ɛkirɔn soe kantɔ ka ta Sikirɔn soe wara la ka tenbi Beyalila kɔnkɛ la ka ta ke ha Yabaniyɛli soe ma. A danta kɔgɔ-yi la

¹²min manɛ a dan la tele-yigi wara la. Kan tinɛ min dama madannɛ kɛ la, Yuda bɔnsɔn-mɔgɛnu sigira nyɔ le.

¹³Iko Mari ya a fɔ Yasowa ye nya min, a ya Yuda nyamanɛ do di Yuda kɛ do ma, Yɛfunɛla den Kelabu, kɔni. Yasowa ya Hiburɔn soe di Kelabu ma min bi Anaki fa Araba bolo fɔlɔ nun.

¹⁴ Anakila den-kei mɔgɔ sawɛ, Sɛsayi, Ahaiman, anubɛ Talamayi, Kelabu ya wonu kebilɛnu gben ka bɔ Hiburɔn soe burɔ.

¹⁵Wo kɔma, a tara Diba mɔgɛnu gben. (Diba soe kɛ tɔgɛ le nun Sifa.)

¹⁶Kelabu ya a fɔ ko, “Ni mɔgɔ-wo-mɔgɔ ya Sifa soe nɔ, n si nna dunmusi di mɔgɛ wo ma.”

¹⁷Kelabu dɔgɔ-keminɛ Kenasila den Ɔtiniyɛli wo ya Sifa so-burɔ-mɔgɛnu nɔ. Kelabu ya ala dunmusi Akasa di ale Ɔtiniyɛli kɛ ma iko a ya a fɔ nya min.

¹⁸Akasa siginɛ sofɛlɛ la tumɛ min ka ta kei-wara-sigi rɔ, ala kei kumara a tole tɔ ko, “A fɔ i fa ye a ni kan-tina-gbɛrɛkɛ di ma ma ala nyamanɛ kɛ rɔ.” Akasa yigira sofɛlɛ la ka ta kuma a fa la. A fa Kelabu ya a yen wati min, a ya a manyinika ko, “I ye nyinina nfen ma?”

¹⁹A ya a fɔ a fa ye ko, “I ya kan tinɛ min di ma ma dugula wara la, dugu-gbalanɛ le wo la. I ni dugu-nyimɛ di ma ma lɛɛ rɔ yi ti gbala kan min.” A fa ya dugu do di anu ma kɔnkɔ-nyamanɛ rɔ yi ti gbala kan min dɛɛ!

²⁰Soe minnu dira Yuda bɔnsɔn-mɔgɛnu ma, wo le kɛnu na. Wo donu bi wulɛ rɔ pon dugu la Idɔm dan da kɔrɔ. Soe minnu bi nyɔ, wo le kɛnu na, Kabisili, Idɛri, Yeguri,

²¹

²²Kaina, Daimona, Adeda,

²³Kidɛsi, Hesɔ, Itinan,

²⁴Sifi, Tilɛm, Beyaloti,

²⁵Hesɔ Hadata, Kɛriyoti, Hɛsirɔn (Hesɔ),

²⁶Emam, Sema, Moleda,

²⁷Hesa-Gada, Hɛsimon, Bɛti-Pɛlɛti,

²⁸Hesa-Suwali, Biri-Siba, Bisiyɔtiya,

²⁹Beyala, Aiyim, Isɛm,

³⁰Ɛlitoladi, Kisɛli, Hɔrima,

³¹Sikilagi, Madamana, Sansana,

³²Lɛbeyoti, Silihimi, En, anubɛ Rimɔn. A damasi lakofunɛ, so mogan-ni-kɔnɔntɔ, anu dafɛ-so- nɛnu bɔnɛ a la.

³³Soe minnu bi kɔnkɔ-mɛsɛmɛnu kuma, wo le kɛnu na, Ɛsateyoli, Sora, Asana,

³⁴Sanowa, Ɛnganim, Tapuwa, Inam,

³⁵Yaramuti, Adulam, Soko, Asika,

³⁶Seyareyim, Aditeyim, Kɛdera, anubɛ Kɛdɛroteyim. A damasi lakofunɛ so tan-ni-nani, anu dafɛ-so-nɛnu bɔnɛ a la.

³⁷Sinan, Hadasa, Migidal-Gadi,

³⁸Dailɛyan, Misipa, Yokatili,

³⁹Lesi, Bɔsikati, Ɛkilɔn,

⁴⁰Kabɔn, Lamam, Kitilisi,

⁴¹Kɛdiroti, Bɛti-Degɔn, Neyama, Makida, soe wonu fanan bi nyɔ. A damasi lakofunɛ so tan-ni-wɔrɔ, anu dafɛ-so-nɛnu bɔnɛ a la.

⁴²Libina, Ita, Asan,

⁴³Yifita, Asana, Nɛsiba,

⁴⁴Kiyaila, Akisibu anubɛ Marisa, wonu fanan bi nyɔ. A damasi lakofunɛ so kɔnɔntɔ, anu dafɛ-so-nɛnu bɔnɛ a la.

⁴⁵Ɛkirɔn fanan dira Yuda bɔnsɔn-mɔgɛnu ma anubɛ a dafɛ-so-nɛnu,

⁴⁶anubɛ soe minnu bi Asadadi dafɛ ka bɔ Ɛkirɔn ha ka ke kɔgɔ-yi ma.

⁴⁷Asadadi anubɛ Kesa fanan dira Yuda bɔnsɔn-mɔgɛnu ma anubɛ anu dafɛ-so-nɛnu ha ka ke Iyipiti yi ma min manɛ dan la ha ka ke kɔgɔ-yi ma.

⁴⁸Soe minnu bi kɔnkɛnu kuma, wo le kɛnu na, Semiri, Yatiri, Soko,

⁴⁹Dana, Kiriyati-Sifa (Diba),

⁵⁰Anaba, Ɛsitɛmowa, Enim,

⁵¹Kosɛn, Holɔn, Kailo, wonu fanan dira Yuda bɔnsɔn-mɔgɛnu ma. A damasi lakofunɛ so tan-ni-kelen, anu dafɛ-so-nɛnu bɔnɛ a la.

⁵²Arabu, Duma, Ɛsiyan,

⁵³Yanum, Bɛti-Tapuwa, Afika,

⁵⁴Humta, Hiburɔn, anubɛ Siyɔ, wonu fanan dira Yuda bɔnsɔn-mɔgɛnu ma. A damasi lakofunɛ so kɔnɔntɔ, anu dafɛ-so-nɛnu bɔnɛ a la.

⁵⁵Meyɔn, Kamɛli, Sifi, Yuta,

⁵⁶Yɛsɛreli, Yɔkadeyam, Sanowa,

⁵⁷Ken, Kibiya, anubɛ Timina, wonu fanan dira Yuda bɔnsɔn-mɔgɛnu ma. A damasi lakofunɛ so tan, anu dafɛ-so-nɛnu bɔnɛ a la.

⁵⁸Halahula, Bɛti-Suri, Kɛdɔ,

⁵⁹Meyarati, Bɛti-Anoti, anubɛ Ɛlatɛkɔn wonu fanan dira Yuda bɔnsɔn-mɔgɛnu ma. A damasi lakofunɛ so wɔrɔ, anu dafɛ-so-nɛnu bɔnɛ a la.

⁶⁰Kiriyati-Beyali (Kiriyati-Yirɔm) anubɛ Raba fanan dira Yuda bɔnsɔn-mɔgɛnu ma. So fila le wo la, anu dafɛ-so-nɛnu bɔnɛ a la.

⁶¹Bɛti-Araba, Midin, Sɛkeka,

⁶²Nibisan (Kɔgɔ Soe), anubɛ Ɛngidi, wonu bi wulɛ rɔ. So wɔrɔ le wo la, anu dafɛ-so-nɛnu bɔnɛ a la.

⁶³ Kɔnɔ Yuda bɔnsɔn ma ke Yebusi kɛnu gbenna minnu siginɛ Yerusalɛm soe rɔ. Wonu siginɛ anu tɛma ha bi.[23]