Read Kuranko Yasowa 3 Bible Online

Yasowa 3 - Kuranko bible

Yasowa 3

¹Wo banda kɛ sɔgɔma subaga, Yasowa anubɛ Isirɛla mɔgɛnu wulita Akasiya dagɛ rɔ. Anu tara Yorodan bɛ dala.

²Tele sawa wo kɔma, kun-tiginu ya a fɔ mɔgɛnu ye ko,

³“Wo wa saraka-masɔlɛnu yen tumɛ min ko anu bara Marila tɔn-kenkirɛ bi, wo ni wola fani-bɔnnu wayan ka bila anu fɛ.

⁴Saraka-masɔlɛnu si kilɛ yira wo la bawo wo ma nyɔ lɔn. Kɔnɔ wo kana wo gbɛrɛn tɔn-kenkirɛ ma. Wula-yan ni to wobɛ tɔn-kenkirɛ tɛma.”

⁵Yasowa ya a fɔ mɔgɛnu ye ko, “Wo ni wo nyɛrɛ sɛninya bawo Mari si kabana-koe kɛ ma tɛma sina.”

⁶Yasowa ya a fɔ saraka-masɔlɛnu ye ko, “Wo ni tɔn-kenkirɛ bi ka ta mɔgɛnu yarɔ.” Anu ya a ma iko Yasowa ya a fɔ anu ye nya min.

⁷Mari ya a fɔ Yasowa ye ko, “N si koe min ma bi, wo si a ma, Isirɛla mɔgɛnu ni i gbiliya tun nta kabana-koe fɛ. Anu si a lɔn ko n bi ile fɛ iko n taranta Musa fɛ nya min.

⁸A fɔ saraka-masɔlɛnu ye ko anu ba ke yi ma tumɛ min, anu ni ta yi rɔ doni ka sɔ yi-kɔnkɔn dafɛ.”

⁹Yasowa ya a fɔ mɔgɛnu ye ko, “Wo na yan. Mata Mari ya min fɔ n ye, n si wo fɔ wo ye.

¹⁰Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

¹¹Saraka-masɔlɛnu si ta tɔn-kenkirɛ la yi rɔ wo yarɔ ka anu sɔ nyɔ. Wole si a lɔn wo rɔ ko Mari-nimɛ ye wo tɛma.

¹²Wo kɔma, wo ni mɔgɔ tan-ni-fila yabɔ Isirɛla bɔnsɔnnu tɛma. Mɔgɔ kelen ni bɔ bɔnsɔn kelen-kelennamɛ-bɛɛ rɔ.

¹³Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

¹⁴ado tɔnsɔn bɔ wati le, woletɔ yi kolo wo wati rɔ. Wo banda kɛ, saraka-masɔlɛnu tara tɔn-kenkirɛ la mɔgɛnu yarɔ ka anu kian sɔ yi rɔ.

¹⁶Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.[4]

¹⁷Saraka-masɔlɛnu tara tun tɔn-kenkirɛ la anu bolo ka sɔ Yorodan tɛma ha mɔgɛ bɛɛ tenbira dugu-gbalanɛ kuma.