Read Kuranko Kɛlɛ-Kurugbɛnu 2 Bible Online

Kɛlɛ-Kurugbɛnu 2 - Kuranko bible

Kɛlɛ-Kurugbɛnu 2

¹Lunyɛ do, Marita melika bɔra Kiligali soe burɔ ka na soe do rɔ anu bi min kelela Di Kɛ Tinɛ.[6] A ya a fɔ Isirɛla mɔgɛnu ye ko, “N ya wo labɔ Iyipiti nyamanɛ rɔ ka na wo la nyamanɛ kɛ rɔ yan, n ya lanyiri kiri wo benbanu ye minna ko la nun. N ya a fɔ nun ko n ti sarama-kan wo tinya.

² N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.

³Woletɔ n bara a latɛgɛ ko n ti mɔgɛ wonu gben wo yarɔ tun. Anu si ma wo yogenu na. Anuna bɛsi-kɔ-koenu si wo bira iko gbɛrɛ.”

⁴Melika ban kɛ fɔla, Isirɛla mɔgɛ bɛɛsi donta diyi-kɛ rɔ.

⁵Woletɔ anu ya kan tinɛ wo kele le ko, “Di Kɛ Tinɛ.” Anu ya sarakɛnu bɔ Mari ye nyɔ.

⁶Kebi fɔlɔ, wo tumɛ Yasowa ye a kɛndɛ la, Yasowa ban Isirɛla mɔgɛnu natala anuna nyamanɛnu tɔ, anu damasi tara anu halala-duginu mabira tinɛ.

⁷ Yasowa siyi-tele bɛnta san kɛmɛ ani san tan ma, a nara to fagala. Anu ya a togon a halala-dugi rɔ Timinati-Hɛrɛsi soe kɔma. Soe wo ye Ifɛrɛmta kɔnkɔ-nyamanɛ rɔ Keyasi kɔnkɛ kan tɔ. Isirɛla mɔgɛnu tora Mari batola Marita wɔli-kɛlɛ Yasowa siyi-tele-bɛɛ kɔrɔ. Mari ara ko-makawanɛ min bɛɛsi ma Isirɛla mɔgɛnu ye, kun-tigi donu mara wonu sereyɛnu na. Wonu fananta wati rɔ, Yasowa fagɛ kɔma, Isirɛla mɔgɛnu tora Mari batola.

¹⁰Isirɛla mɔgɛ minnu ya Marita kabana-koenu yen anu yɛ la, wonu fagara tumɛ min, anuna dan minnu ma Marita kabana-koe wonu yen, wonu ma Mari bato-nya lɔn.

¹¹Isirɛla mɔgɛnu bilara Mari la ka don bɛsi Beyalinu kɔ-koe rɔ.

¹²Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.

¹³Anu ya Mari-bato-koe boloka ka bila bɛsɛ donu fɛ. Bɛsɛ wonu tɔgɛ le Beyali anubɛ Asitɔra.

¹⁴Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.

¹⁵Isirɛla mɔgɛnu ba ta kɛlɛ-kɛ-tinɛ tuma-wo-tuma, Mari fɔlɔn bi anu kan ma iko a ara a dakan don anu ye nya min nun. Isirɛla mɔgɛnu kɔndɔfilita pirikali!

¹⁶Wo kɔma, Mari ya a ma, kɛlɛ-kurugbɛnu wulita Isirɛla mɔgɛnu tɛma minnu mara anu kumafunfannɛnu na kankan wonuna ko la.

¹⁷Kɔnɔ hali wo, kɛlɛ-kurugbɛ wonu bɔrɔ ti taran Isirɛla mɔgɛnu ye. Isirɛla mɔgɛnu si to mala tolo-gbɛlɛnu na ka bila bɛsɛnu fɛ. Hali anu fa kɛmɔgɛnu taranta Marila kumɛ birala nun, a ti mɛ lefan anuna dannu si bɔ Marita kilɛ fɛ.

¹⁸Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

¹⁹Kɔnɔ ni kɛlɛ-kurugbɛ wo fagara tumɛ min, anu si sɛgi anu gba-kɔrɛ rɔ tun. Anu si yogoya ka tenbi a fɔlɔtɛ la ka don bɛsi-kɔ-koe rɔ, ado, anu ti sɔn anu sɔn-yogomɛ wonu bolokala.

²⁰Mari fonde si na bɔ tun ka a fɔ ko, “Mabɛ anu benbanu sarata min ma, mɔgɛ kɛnu bara anutɛ wo tinya.

²¹Bawo anu ti nta kumɛ bira, sibolo-gbɛrɛ minnu tonɛ anuna nyamanɛ rɔ nun Yasowata fagɛ kɔma, n ti wonu gben anu ye.”

²²Mari ko tun, “N si anuna kuma-birɛ mafɛlɛn sibolo-gbɛrɛnu fɛ ni wole Isirɛla mɔgɛnu bi n fɛ iko wo benbanu bi n fɛ nya min nun.”

²³Wola ko la, Mari sɔnta sibolo-gbɛrɛ wonu to-koe ma Isirɛla nyamanɛ rɔ. A ma sibolo-gbɛrɛ wonu nɔ-sɛnbɛ di Yasowa ma nun. Yasowa faganɛ fanan, Mari ma anu gben.