Read Kuranko Yude 1 Bible Online

Yude 1 - Kuranko bible

Yude 1

¹ Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

²Alamɛ kinikinɛ anubɛ yisi-kimɛ anubɛ keninteyɛ mara wotɛ la ka wara wo bolo.

³N diyana-mɔgɛnu, a sɔgɛ ye n na bɛrɛkɛ ka kɛdi sɛbɛ wo ma nun ka a tɛgɛ kisi-koe ma kɔnɔ n ko a bɛnnɛ n ni kɛdi-gbɛrɛkɛ sɛbɛ wo ma kaka. N bi wo makawandila ko Alla ara ban dɛnkɛninyɛ min dila ala mɔgɛnu ma, wo ni kɛlɛ kɛ wola ko la,

⁴ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

⁵ Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.

⁶Wo ni wo hɛnkili to melikanu fanan ko. Wo donu ma to anuna sɔ tinɛnu tɔ, fɔ ka anu ban anu nyɛrɛ sɔ tinɛ la. Alla ara wonu mara pinpi rɔ dugu kɔrɔ habadan-yɔlɔkɛ la. Anu si yiliki tele min ma, anu maranɛ wo tele makawanɛla ko la.

⁷ Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

⁸Foninya-karan-mɔgɔ kɛnu fanan bi ko-rayirɛ kɛla wo nya na le. Wonu bi anu nyɛrɛ bagbuyi latinyana. Anu bi Allala sɛnbɛ lafɛyala ka kuma-yogomɛ fɔ gbiliya-tiginu ma minnu bi san-kole rɔ.

⁹ Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”

¹⁰Kɔnɔ hali mɔgɛ kɛnu ma min lɔn, anu si wo lafɛya. Min ba na anu kunyɛ rɔ, anu bi wo le mala iko firarɔ-sogenu, ado koe wonu nyɛrɛ le ye anu halakila.

¹¹ Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

¹²Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

¹³Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!

¹⁴ Ma benba Hadama bɔnsɔn wɔrɔnfila nyɔgɛ, n fa Inɔki, kɔni, wo ya wɔlɔyiyɛ kɛ foninya-karan-mɔgɔ wonuna ko la kebi fɔlɔ. A ko, “Wo ni wo tole masɔ! Mari si na ala melika-sɛnimɛ waga siyaman na a bolo

¹⁵ka mɔgɛ bɛɛ kiti. A si Alla-lɔnbɛlɛ bɛɛ yiliki anuna kɛwɔlɛ-yogomɛla ko la. Alla-lɔnbɛlɛ wonu ya gbalo-kumɛ min fɔ Alla ma, anu si yiliki sɔrɔn wola ko la.”

¹⁶Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.

¹⁷Kɔnɔ n diyana-mɔgɛnu, wo ni wo miri de! Ma Mari Yisa, Allata-Mɔgɔ-Yabɔnɛla kilayɛnu ya min fɔ wo ye fɔlɔ, wo ni wo miri wo ma.

¹⁸ Anu ya a fɔ wo ye ko, “Tele-laban-lunyɛ wa ke tumɛ min, wo mayɛlɛnnɛnu si na. Anu bilanɛ anu nyɛrɛ nata-yogomɛnu denu fɛ tolon!”

¹⁹Mɔgɛ wonu denu bi faralɛ kɛla bawo anu fɛrɛ-nata ye kun-tigiyɛ kɛla anu kun na dɔrɔn! Allala Ni-Sɛnimɛ sa anu fɛ.

²⁰Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.

²¹Wo ni to Allala keninteyɛ rɔ. Wo ye ma Mari Yisa, Allata-Mɔgɔ-Yabɔnɛ makɔnɔna alako a ni habadan-nimayɛ di wo ma ala kinikini-wɛ fɛ.

²²Minnu sikanɛ, wo ni kinikini wonu ma.

²³I ni donu fɔrɔn ka anu bɔ tɛ rɔ alako wonu ni kisi. Wo ni kinikini donu ma fanan hali wo kilannɛ anu na. Kɔnɔ hali anu bi kurɛ min donna anu fɛrɛ ma hakɛ-kɛ-tinɛ, wonu ni gboya wo ye. Wo kana wo gbɛrɛn mɔgɔ-su wonu ma.

²⁴Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

²⁵Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.