Read Мьзгини, 2011 Фьлимон 1 Bible Online

Фьлимон 1 - Мьзгини, 2011 bible

Фьлимон 1

¹ Жь Паwлос, бона Мәсиһ Иса гьрти у Тимот’ейойе бьра,Фьлимоне һәвал-хәбат у дәлале хwәр’а,

²Афийа хушкр’а у Архипойе һәваләскәре хwәр’а у ӧса жи wе щьвинер’а ф кӧ мала тәда дьщьвә [#1010]:

³ Дә бьра к’әрәм ф у ә’дьлайийа Хwәдейе Баве ф мә у Хӧдан ф Иса Мәсиһ ль wә бә.

⁴ Әз һәр гав жь Хwәдейе хwә р’ази мә, гава нава дӧайед хwәда тә бир тиньм бьрайе Фьлимон,

⁵чьмки бона wе һ’ьзкьрьна тәйә һьндава т’әмамийа щьмә’та Хwәдеда у баwәрийа тәйә һьндава Хӧдан Исада дьбьһем.

⁶Әз дӧа дькьм, wәки һәләqәтийа тәйә т’әви мә, нава баwәрийеда ф мә бьгьһинә wе занәбуна к’ур, йа кӧ һьндава һәр тьштед мәйә qәнщә т’әви Мәсиһ ә.

⁷Бона wе һ’ьзкьрьна дьле тәда бьрайо, әз гәләки ша бум у бина мьн фьрә бу, кӧ дьле щьмә’та Хwәде пе тә р’ьһ’әт буйә.

⁸ Бона ве йәке бь Мәсиһ чаwа бьра, мьн дькарьбу тӧрӧш кьра, ә’мьри сәр тә бькьра, чь кӧ щайиз бу,

⁹ле жь дәст һ’ьзкьрьне, һиви дькьм. Әз чаwа Паwлосәки кал у ньһа жи бона Мәсиһ Иса гьрти,

¹⁰бона лаwе хwә Онисимо һиви жь тә дькьм, йе кӧ qәйде мьнда чаwа кӧр’әк мьнр’а дьне к’әт [#1011].

¹¹Әw wәхтәке кери тә нәдьһат, ле ньһа һьн кери тә те, һьн жи кери мьн [#1012].

¹² Әз wи пашда дьшиньмә щәм тә, әw щәгәра мьн ә.

¹³Мьн дьхwәст әw щәм хwә бьһьшта, кӧ дәwса тә бәр дәсте мьн буйа, һ’әта кӧ әз бона Мьзгинийе qәйдада мә.

¹⁴Ле бейи тә мьн нәхwәст тьштәки бькьм, кӧ qәнщийа тә ӧса нәбә, чаwа борщәк кьрьбьнә стуйе тә, ле бь р’әзәдьлийа тә бә.

¹⁵Бәлки бона ве йәке әw wәхтәке жь тә дур к’әт, кӧ әw һәр т’ьм бьбә п’ара тә,

¹⁶нә кӧ чаwа хӧлам, ле жь хӧламәки зедәтьр ә, чаwа бьраки дәлал! Бона мьн әw чьqаси дәлал ә, ле бона тә әwе һе зедә бә, һьн алийе хӧламтийеда, һьн жи алийе Хӧданда.

¹⁷ Аwа һәгәр тӧ мьн чаwа һәвале хwә һ’әсаб дьки, wи ӧса qәбул кә, чаwа мьн.

¹⁸Һәгәр әwи нәһәqик жи ль тә кьрьбә, йан тьштәки дәйндаре тә бә, сәр мьн һ’әсаб кә.

¹⁹Әз Паwлос бь дәсте хwә дьньвисьм: Әзе ль тә вәгәр’иньм (ле әз бь ве йәке нахwазьм бежьмә тә, кӧ тӧ жийина хwәва дәйндаре мьн и.)

²⁰Ньһа, бьрайе мьни жь Хӧданда, ве qәнщийе бона мьн бькә, бона хатьре Мәсиһ дьле мьн р’ьһ’әт кә.

²¹Әз гӧһдарийа тәда гӧман бум, ләма жи мьн әв йәк тәр’а ньвиси, чьмки әз заньм те жь готьна мьн зедәтьр бьки.

²² Пештьри ве йәке жи, мьнр’а щики майине һазьр кә, чьмки гӧмана мьн һәйә, кӧ Хwәдейе щаба дӧайед wә бьдә, мьн пашда бьдә wә.

²³ Епафрасе бона наве Мәсиһ Исайи т’әви мьн гьрти, тә сьлав дькә,

²⁴ӧса жи Марqос, Әристархо, Димас у Луqа, һәвал-хәбатед мьн.

²⁵ К’әрәма Хӧдан Иса Мәсиһ т’әви р’ӧһ’ед wә бә.