Read Мьзгини, 2011 Аqуб 1 Bible Online

Аqуб 1 - Мьзгини, 2011 bible

Аqуб 1

¹ Жь Аqубе ф хӧламе Хwәде у Хӧдан ф Иса Мәсиһ:Сьлав ль wә һәр донздәһ ә’ширед дьнйайеда [#493] бәлабуйи бә.

² Хушк-бьрайед мьн, шабунәкә мәзьн һ’әсаб кьн, гава һун бьк’әвьнә нава щур’ә-щур’ә щер’ьбандьна.

³Фә’мдари йә, кӧ щер’ьбандьна баwәрийа ф wә сәбьре пешда тинә.

⁴У сәбьр жи, бьра бь думька дьреж бә, wәки һун к’амьл у гьһишти бьн, т’ӧ кемасикә wә т’ӧнәбә.

⁵Һәгәр сәрwахтийа ф йәки жь wә т’ера wи накә, бьра һиви жь Хwәде бькә у wе жь wир’а бе дайине. Әw бь мәр’дани дьдә һ’әмуйа у т’ӧ кәси беqәдьр накә.

⁶Ле т’әне бьра бь баwәрийе ф бьхwазә у дӧдьли нәбә, чьмки йе дӧдьли мина пелед бә’ре йә кӧ жь байе бьльнд дьбьн у датиньн.

⁷Мәрьве ф ӧса бьра нәфькьрә, кӧ wе тьштәки жь Хӧдан бьстинә.

⁸Әw мәрьве кӧ сәр дӧ ньга дькӧлә, һ’әму гавед хwәда нә сәр йа хwә йә.

⁹ Бьрайе бәләнгаз бьра сәр бьльндбуна хwә бьфьр’ә,

¹⁰ле йе дәwләти сәр ньмьзбуна хwә, чьмки әwе мина гӧлед гиһе һ’ьшк бә һәр’ә [#494].

¹¹Чаwа тә’в бь гәрмайийа хwәва дәрте гиһе һ’ьшк дькә, гӧл же дьwарьн у бәдәwәтийа диндара wе жи ӧнда дьбә, ӧса жи йе дәwләти wе ише хwәда бьч’ьлмьсә һәр’ә.

¹² Хwәзи ль wи мәрьви, кӧ щер’ьбандьнада тәйах дькә, чьмки гава бь щер’ьбандьне р’успи дәре, әwе т’аще ф жийине бьстинә, к’ижан кӧ Хwәде wанр’а соз дайә, йед кӧ Wи һ’ьз дькьн.

¹³Бьра т’ӧ кәс, йе кӧ нава щер’ьбандьнеда йә, нәбежә: «Хwәде мьн бь хьрабийе дьщер’ьбинә», чьмки Хwәде хьрабийада найе щер’ьбандьне у нә жи йәки дьщер’ьбинә.

¹⁴Ле һәр кәс дьбә машоqе дьлһавьжийед хwә, дьхапә у те щер’ьбандьне.

¹⁵Һьнге дьлһавьжи кәле хwә дьстинә, гӧнә ф же дьфьрькә у гӧнә жи кӧ мәзьн дьбә, мьрьн же дьбә.

¹⁶ Нәхапьн хушк-бьрайед мьнә дәлал!

¹⁷Һәр дайина qәнщ у һәр п’ешк’еша ф к’амьл жь жор ә, жь Бав ф, жь Ә’фьрандаре р’онайа те хwаре, Йе кӧ нә Хwәха те гӧһастьне, нә жи си бәр Wи дадьгәр’ә.

¹⁸Әwи ль гора qьрара Хwә әм бь хәбәра р’астийе жь Хwә дьне хьстьн, wәки әм бьбьнә аwазәки бәред ф дәрәмәта пешьнә ә’фьринед Wи.

¹⁹ Заньбьн [#495], хушк-бьрайед мьнә дәлал, бьра һәр мәрьв бьһистьнеда сәрхwә бә, ле хәбәрдан у һерск’әтьнеда гьран бә,

²⁰чьмки һерса мерьв һәqийа Хwәде найнә сери ф [#496].

²¹Ләма һ’әму мьр’дар’ийе у һәр хьрабийе жь хwә дур хьн, бь мьлуктийе wе хәбәра нава wәда чанди qәбул кьн, йа кӧ дькарә р’ӧһ’е wә хьлаз ф кә.

²² Хәбәре бьqәдиньн, нә кӧ т’әне бьбьһен у ӧса хwә бьхапиньн.

²³Һәгәр йәк хәбәре т’әне дьбьһе у наqәдинә, әw мина wи мәрьви йә, йе кӧ нәйнькеда р’әнг-р’уйе хwә дьньһер’ә.

²⁴Хwә дьбинә, дәрбаз дьбә дьчә у зу бир дькә, кӧ әw йәки чаwа бу.

²⁵Ле әwе кӧ ч’ә’ве хwә жь qануна к’амьлә кӧ аза дькә набьр’ә у нава wеда дьминә, дьбьһе бир накә, ле дьqәдинә, әw wан кьрьнед хwәда хwәзьли йә.

²⁶ Һәгәр йәк хwә хwәденас һ’әсаб дькә у зьмане хwә нькарә, әw хwәха хwә дьхапинә, хwәденасийа wи п’уч’ ә.

²⁷Ль бәр Бав Хwәдейе мә хwәденасийа р’аст у беqӧсур әв ә: Тә’ли-тәнгийада дәст бавежьнә сеwийа ф у жьнәбийа у һ’әвза хwә жи жь ләк’ед дьне бькә.