Read Мьзгини, 2011 Аqуб 2 Bible Online

Аqуб 2 - Мьзгини, 2011 bible

Аqуб 2

¹ Хушк-бьрайед мьн! Һун кӧ баwәрмәндед Хӧдане мә Иса Мәсиһе хwәйир’умәт ьн, фьрqийе нәкьнә нава мәрьва.

²Мәсәлә, гава йәки гӧстила зер’ т’ьлийеда у к’ьнщед р’әwш wәргьрти бе щьвина ф wә, ӧса жи йәки бәләнгаз бь к’ьнщед п’ьзьнива бе

³у һун дина хwә бьдьнә йе хwәйе к’ьнщед р’әwш у бежьне: «К’әрәм кә ве жоре р’уне», ле йе бәләнгазр’а бежьн: «Сәр п’ийа бьсәкьнә» йан жи «ве жере р’уне»,

⁴гәло һун нава хwәда фьрqийе данайньн у набьнә һ’акьмед фькьред хьраб?

⁵ Бьбьһен хушк-бьрайед мьнә дәлал! Нә Хwәде бәләнгазед ве дьне бьжартьн, wәки бь баwәрийе дәwләти бьн у wаред wе П’адшатийе бьн, к’ижан кӧ Хwәде wанр’а соз дайә, йед кӧ Wи һ’ьз дькьн?

⁶Ле һун бәләнгаза беһӧрмәт дькьн! Чьма әw йед дәwләти ниньн, кӧ зоре ль wә дькьн у wә к’аши бәр диwане дькьн?

⁷Чьма әw ниньн, йед кӧ wи наве qәнщ беһӧрмәт дькьн, к’ижан сәр wә йә?

⁸ Һәгәр һун qануна П’адшатийе бьqәдиньн, ль гора ньвисара кӧ дьбежә: «Һәвале хwә wәкә хwә һ’ьз бькә» [#497], һун qәнщ дькьн.

⁹Ле һәгәр һун фьрqийе дькьн, гӧна дькьн у һьндава Qанунеда дьбьнә йәки гӧнәк’ар ф.

¹⁰Әwе кӧ т’әмамийа Qануне хwәй дькә, ле тьштәки же бәр’дьдә, әw дьбә дәйндаре т’әмамийа Qануне.

¹¹Чьмки Әwе кӧ гот: «Зьнийе нәкә» [#498] ӧса жи гот: «Нәкӧжә» [#499]. Аwа һәгәр зьнийе нәки, ле бькӧжи, диса Qануне дьт’әр’ьбини.

¹²Хәбәрдан у кьрьнед хwәда ӧса бьн, чаwа йед диwана wане бь wе qануне бьбә, йа кӧ азайийе дьдә.

¹³Чьмки бе р’ә’м wе диwана бер’ә’ма бьбә, ле р’ә’м ль бәр диwане р’успи дькә [#500].

¹⁴ Чь фәйдә хушк-бьрайед мьн, һәгәр йәк бежә кӧ баwәрийа wи һәйә, ле кьред wи т’ӧнәбьн? Гәло әва баwәрийа дькарә wи хьлаз кә?

¹⁵Мәсәлә, һәгәр бьрак йан хушкәк сьт’ар ле т’ӧнәбә йан һ’әwще нане р’оже бә,

¹⁶жь wә йәк wанр’а бежә: «Бь хер у сьламәт һәр’ьн, гәрм у т’ер бьн», ле тьштед кӧ әw һ’әwщә бьн нәдә wан, чь фәйдә?

¹⁷Ӧса жи баwәри, һәгәр кьред wе т’ӧнәбьн, бь т’әне мьри йә.

¹⁸ Ле йәке бежә: «Баwәрийа тә һәйә, кьред мьн һәнә». Ле әзе бежьм: К’а баwәрийа хwә бе кьрьна нишани мьн кә, әзе жи баwәрийе бь кьрьнед хwәва нишани тә кьм.

¹⁹Тӧ баwәр дьки, кӧ Хwәде йәк ә. Qәнщ ә! щьн ф жи баwәр дькьн у дьбьздьн.

²⁰Ле тӧ дьхwази әв йәк бе избаткьрьне, мәрьве беһ’ьш, wәки баwәри бейи кьра мьри йә?

²¹Нә Бьраһиме ф баве мә бь кьра р’аст һатә һ’әсабе, гава кӧр’е хwә Исһаq ф дани сәр горигәһе ф, кӧ бькә qӧрбан ф? [#501]

²²Тӧ дьбини кӧ баwәрийе т’әви кьред wи йа хwә кьр у бь wан кьра баwәри к’амьл бу?

²³У готьна ньвисаре һатә сери, кӧ дьбежә: «Бьраһим Хwәде баwәр кьр у әw жер’а р’асти һатә һ’әсабе» [#502] у досте Хwәде һатә готьне [#503].

²⁴Һун дьбиньн кӧ мәрьв бь кьра р’аст те һ’әсабе, нә кӧ т’әне бь баwәрийе?

²⁵ Нә ӧса жи Р’әхаба ф ч’ә’вдәр ф бь кьра р’аст һатә һ’әсабе, гава щә’сус qәбул кьрьн у әw р’екә дьнва вәр’екьрьн? [#504]

²⁶Аwа чаwа qальб бе р’ӧһ’ мьри йә, ӧса жи баwәри бейи кьра мьри йә.