Read Мьзгини, 2011 Аqуб 4 Bible Online

Аqуб 4 - Мьзгини, 2011 bible

Аqуб 4

¹ Жь к’ӧ нә әw шәр’ у дә’wе нава wәда? Нә жь тәмед wә нә, кӧ нава дьле wәда шәр’е хwә дькьн?

²Ч’ә’ве wә ль тьшта йә, ле нак’әвә дәсте wә, дькӧжьн у ч’ә’внәбарийе дькьн, ле нькарьн бьгьһижьнә мәрәме хwә, һьнге һун һәвр’а дьк’әвьнә һ’ӧщәте у шәр’ дькьн [#506]. Һун дәст нахьн, чьмки һун һиви жь Хwәде накьн.

³У гава һиви дькьн, настиньн, чьмки сәр нета хьрабийе һиви дькьн, wәки к’ефед дьле хwә дәрбаз кьн.

⁴Беә’сьлно! Һун ньзаньн к’е ве дьне һ’ьз дькә, әw нәйартийе ль Хwәде дькә? Аwа к’и дьхwазә бьбә йаре дьне, әw хwә дькә нәйаре Хwәде.

⁵Йан т’әхмина wә бадиһәwа ф ньвисар дьбежә, кӧ Хwәде дәмана wи р’ӧһ’е бәр мәда йә? [#507]

⁶Ле бәле әw һе к’әрәме ф дьдә мә. Ләма ньвисар дьбежә: <bp/>«Хwәде мьqабьли к’ӧбар-бабаха йә,ле к’әрәме дьдә шкәстийа» [#508].

⁷ Аwа бәр Хwәде шкәсти бьн. Мьqабьли мирещьн ф бьсәкьньн у әwе жь wә бьр’әвә.

⁸Хwә ль Хwәде бьгьрьн, Хwәде жи wе Хwә ль wә бьгьрә. Дәстед хwә бьшон, гӧнәк’арно, дьле хwә паqьж кьн, дӧдьлино.

⁹Бьнә’льн, шин у гьри бьн, бьра к’әне wә бьбә шин у әшqа wә жи к’әдәр.

¹⁰Ль бәр Хӧдан хwә бьшкеньн у Әwе wә бьльнд кә.

¹¹ Хәйба һәвдӧ нәкьн хушк-бьрано. К’и хәйба бьре хwә дькә, йан лома бьре хwә дькә, әw хәйба Qануне дькә у лома Qануне дькә. Ле һәгәр тӧ лома Qануне дьки, иди тӧ Qануне наqәдини, ле һ’акьме wе йи.

¹²Т’әне Qанундарәк у Һ’акьмәк һәйә, кӧ дькарә һьн хьлаз кә у һьн жи ӧнда кә. Ле тӧ к’и йи кӧ лома һәвале хwә дьки?

¹³ Ньһа һун гӧһдар бьн, йед кӧ дьбежьн: «Иро йан сьбе әме һәр’ьнә фьлан бажари у ль wе дәре саләке бьминьн, т’ӧщарәтийе ф бькьн у qазьнщ кьн».

¹⁴Һун ньзаньн wе сьбе чь бе сәре wә. Ә’мьре wә чь йә? Һун мина мьже нә, һәw дьньһер’и һәйә, һәw дьньһер’и т’ӧнә. [#509]

¹⁵Гәрәке һун аһа бежьн: «Һәгәр Хӧдан бьхwазә, әме бьжин у фьлан йан беван тьшти бькьн».

¹⁶Ле һун бь к’ӧбар-бабахийа хwә дьфьр’ьн. Һәр п’әйдайинәкә аһа хьраби йә.

¹⁷Аwа әwе кӧ занә qәнщийе бькә у накә, әw жер’а гӧнә йә.