Read Мьзгини, 2011 Йуһ’әнна II 1 Bible Online

Йуһ’әнна II 1 - Мьзгини, 2011 bible

Йуһ’әнна II 1

¹ Жь бәрпьрсийаре щьвине ф,Ханьма бьжарти у зар’ед wер’а, к’ижана кӧ әз бь р’астийе һ’ьз дькьм, нә кӧ т’әне әз, ле әw һ’әму жи, йед кӧ р’астийе нас дькьн,

²чьмки әw р’асти нава мәда дьминә у һ’әта-һ’әтайе wе т’әви мә бә.

³Дә бьра р’ә’м, к’әрәм ф у ә’дьлайи жь Бав ф Хwәде у Иса Мәсиһе [#582] Кӧр’е Баве, бь р’астийе у һ’ьзкьрьн мәр’а [#583] бә.

⁴ Әз п’ьр’ ша бум, кӧ мьн жь зар’ед тә һьнәк дитьн, йед кӧ нава р’астийеда дьжин, ль гора wе т’әмийа кӧ мә жь Баве стандийә.

⁵Ньһа әз һиви жь тә дькьм, Ханьме, әз т’әмикә ну тәр’а наньвисьм, ле йа кӧ бәре пешда ль мә һәбу, кӧ әм һ’әму һәвдӧ һ’ьз бькьн [#584].

⁶Һ’ьзкьрьн әв ә, кӧ әм ль гора т’әмийед Wи бьжин. Т’әми әw ә, йа кӧ wә һе бәре пешда бьһистийә, wәки һун һ’ьзкьрьнеда бьжин [#585].

⁷ Гәләкед кӧ хәлqе жь р’е дәрдьхьн һатьнә дьне, әw Иса Мәсиһ бь хун у гошт һати иqрар ф накьн. Йед аһа хәлqе жь р’е дәрдьхьн у әк’симәсиһ ьн.

⁸Һун һаш жь хwә һәбьн, wәки һун к’әда хwә [#586] ӧнда нәкьн, ле һәqе хwә т’әмам бьстиньн [#587].

⁹Һәр кәсе кӧ хwә пешда давежә у нава һинкьрьна Мәсиһда наминә, Хwәдейе wи т’ӧнә. Йе кӧ нава һинкьрьна Мәсиһда дьминә, бона wи Бав жи һәйә, Кӧр’ жи һәйә.

¹⁰Һәгәр йәк бе щәм wә у ве һинкьрьне нәйнә, һун wи qәбул нәкьнә малед хwә у сьлаве нәдьнә wи.

¹¹Чьмки к’и сьлаве бьдә wи, әw т’әви кьред wийә хьраб дьбә.

¹² Гәләк тьштед мьнә ньвисаре wәр’а һәнә, ле мьн нәхwәст сәр к’ахазе бь һ’ӧбьре бьньвисьм, чьмки гӧмана мьн һәйә әзе хwәха бемә щәм wә у р’у бь р’у т’әви wә хәбәр дьм, wәки әшqа мә т’әмам бә.

¹³ Зар’ед хушка тәйә бьжарти ль тә сьлав дькьн.