Read Мьзгини, 2011 Iйуһ’әнна III 1 Bible Online

Iйуһ’әнна III 1 - Мьзгини, 2011 bible

Iйуһ’әнна III 1

¹ Жь бәрпьрсийаре щьвине,Гайосе дәлалр’а, к’ижани кӧ әз бь р’астийе һ’ьз дькьм.

² Дәлало, әз дӧа дькьм, кӧ һ’әму алийава чәрха тә ӧса р’аст бә у сьһ’әт-qәwат би, чаwа мьнва ә’йан ә кӧ р’ӧһ’е тә сьламәтийеда йә.

³Әз гәләки ша бум, чахе чәнд бьра һатьн у шә’дәти дан, кӧ тӧ нава р’астийеда амьн и, чаwа тә пешда р’астийеда дьжит жи.

⁴Шабуна мьнә жь ве мәстьр т’ӧнә, чахе дьбьһем кӧ зар’ед мьн нава р’астийеда дьжин.

⁵ Дәлало, тӧ шьхӧле хwәда амьн и, чь кӧ бона бьра дьки, һ’әта кӧ йед нәнаср’а жи.

⁶Wана шә’дәтийа һ’ьзкьрьна тә бәр щьвина вьр да. Те тьштәки qәнщ бьки, һәгәр тӧ wан ӧса вәр’еки чаwа кӧ ль Хwәде хwәш те.

⁷Чьмки әwана бона наве Мәсиһ к’әтьнә р’е у т’ӧ тьшт жь нәбаwәра нәстандьнә.

⁸Аwа әм гәрәке йед ӧса qәбул кьн, кӧ әм т’әви шьхӧле р’астийе бьн.

⁹ Мьн щьвинер’а ньвиси, ле Дийотрәфис кӧ һ’ьз дькә сәр һ’әмуйар’а бә, гӧһ надә мә.

¹⁰Бона ве йәке гава әз бем, әзе кьред wи гьли кьм, кӧ чаwа давежә мә, хәйба мә дькә. Бь ве йәке жи р’ази набә, нә кӧ т’әне бьра qәбул накә, ле йед кӧ дьхwазьн бьра qәбул кьн, бәр wан р’адьбә у wан жь щьвине жи дәрдьхә!

¹¹ Дәлало, ч’ә’в нәдә хьрабийе, ле qәнщийе. Әwе кӧ qәнщийе дькә, жь Хwәде йә, ле әwе кӧ хьрабийе дькә, әwи Хwәде нәдитийә.

¹²Бона Димитрийо һ’әму жи шә’дәтийа qәнщ дьдьн, һ’әта кӧ р’асти жи. Әм жи шә’дәтийе дьдьн у тӧ зани кӧ шә’дәтийа мә р’аст ә.

¹³ Гәләк тьштед мьнә ньвисаре тәр’а һәбун, ле мьн нәхwәст сәр к’ахазе бь һ’ӧбьре бьньвисьм.

¹⁴Чьмки әз бь wе гӧмане мә, кӧ әзе зутьрәке тә бьбиньм у әме р’у бь р’у хәбәр дьн.

¹⁵Ә’дьлайи ль тә бә. Һәвал-һогьр сьлава ль тә дькьн. Сьлава йәк-йәк һ’әму һәвал-һогьра бькә.