Read Kurmanji Încîl Destpêk 10 Bible Online

Destpêk 10 - Kurmanji Încîl bible

Destpêk 10

¹Qeyda ziriyetên kurên Nûh, Sam, Ham û Yefet ku piştî tofanê kurên wan çêbûn, ev e:

²Kurên Yefet: Gomer, Magog, Meday, Yewan, Tûval, Meşex û Tîras.

³Kurên Gomer: Aşkenaz, Rîfat û Togarma.

⁴Kurên Yewan: Êlîşa, Tarşîş, Kîttîm û Rodanîm.

⁵Bavkalên mirovên ku li keviyên deryayan dijîn ji wan in. Li welatên xwe li gorî zimanên cuda û di nav miletên xwe de li gorî eşîrên xwe belav bûne.

⁶Kurên Ham: Kûş, Misrayîm, Pût û Kenan.

⁷Kurên Kûş: Seva, Hawîla, Savta, Raema û Savtexa. Kurên Raema: Şeva û Dedan.

⁸Kûş bû bavê Nemrûd. Nemrûd li ser rûyê erdê mêrxasê pêşî bû.

⁹Ew li pêş Xudan nêçîrvanekî mêrxas bû. Ji ber vê yekê dibêjin: «Wekî Nemrûd nêçîrvanekî mêrxas ê li ber Xudan.»

¹⁰Di destpêkê de Nemrûd di welatê Şînarê de li Babîl, Erek, Akkad û li Kalnêyê padîşahî kir.

¹¹Ji wir derbasî Aşûrê bû û bajarên Nînowa, Rehovot-Îr, Kalah

¹²û Resen a ku di navbera Nînowa û Kalahê de ye ava kirin. Kalah jî bajarekî mezin bû.

¹³Misrayîm bû bavkalê Lûdiyan, Enamiyan, Lehaviyan, Naftûhiyan,

¹⁴Patrûsiyan, Kaftoriyan û Kaslûhiyan. Filîstî ji Kaslûhiyan hatin.

¹⁵Kenan bû bavê kurê xwe yê pêşî Sîdon[19] û Hît[20].

¹⁶Yevûsî, Amorî, Gîrgaşî,

¹⁷Hîwî, Erqî, Sînî,

¹⁸Arwadî, Semarî û Hamatî jî ji Kenan bûn. Piştre binemalên Kenaniyan belav bûn.

¹⁹Sînorê Kenaniyan ji Saydayê heta Gerara û Xezayê û ji wê jî heta Sodom û Gomora, Adma û ber bi Sevoyîmê ve heta Laşayê fireh bû.

²⁰Kurên Ham ên ku li welatên xwe û di nav miletên xwe de li gorî binemal û zimanên cuda belav bûne ew in.

²¹Kurên Sam jî çêbûn. Sam kekê Yefet û bavkalê hemû ziriyeta Êver bû.

²²Kurên Sam: Elam, Aşûr, Arpexşad, Lûd û Aram.

²³Kurên Aram: Ûs, Hûl, Geter û Maş.

²⁴Arpexşad bû bavê Şelah. Şelah bû bavê Êver.

²⁵Du kur ji Êver re çêbûn. Navê yekî Pêlêg[21] bû, çimkî di dema wî de mirov li ser rûyê erdê belav bûn. Navê birayê wî Yoqtan bû.

²⁶Yoqtan bû bavkalê Almodad, Şelef, Hasar-Mawet, Yarah,

²⁷Hadoram, Ûzal, Dîqla,

²⁸Oval, Avîmaêl, Şeva,

²⁹Ofîr, Hawîla û Yovav. Ev hemû kurên Yoqtan bûn.

³⁰Herêma ku ew lê dijiyan, ji Mêşayê heta Sefara li herêma çiyayî ya rojhilat fireh dibû.

³¹Kurên Sam ên ku li welatên xwe û di nav miletên xwe de li gorî binemal û zimanên cuda belav bûbûn, ev in.

³²Di nav miletên xwe de, li gorî qeydên xwe, ziriyetên kurên Nûh ev in. Hemû mirovên ku piştî tofanê li ser rûyê erdê belav bûne, ji wan in.