Read Kurmanji Încîl Destpêk 16 Bible Online

Destpêk 16 - Kurmanji Încîl bible

Destpêk 16

¹Jina Avram Serayê jê re zarok neanibû. Lê bi navê Hacer cariyeke Serayê ya Misrî hebû.

²Serayê ji Avram re got: «Xudan zarok nedan min. Here ba cariya min. Belkî bi vî awayî ez bibim xweyî zarok.» Avram bi gotina Serayê kir.

³Piştî ku Avram deh salan li welatê Kenanê rûnişt, jina wî Serayê cariya xwe ya Misrî Hacer anî û da mêrê xwe ku jê re bibe jin.

⁴Avram çû ba Hacer û ew bi zaro ma. Gava Hacer dît ew bi zaro ye, wê destpê kir xatûna xwe biçûk dît.

⁵Serayê ji Avram re got: «Ev neheqî ji rûyê te hat serê min. Min cariya xwe kir paşila te û gava wê dît ew bi zaro ye, wê ez biçûk dîtim. Bila Xudan şahidê min û te be.»

⁶Avram jê re got: «Cariya te di destê te de ye. Tu her çi dixwazî bi wê bike.» Paşê Serayê tadeyî lê kir û Hacer ji ba wê reviya.

⁷Milyaketê Xudan Hacer li çolê li ser kaniyekê dît. Ev kanî li ser riya Şûrê bû.

⁸Milyaket jê re got: «Ya Hacer, cariya Serayê! Tu ji ku têyî û bi ku ve diçî?» Wê got: «Ez ji Seraya xatûna xwe direvim.»

⁹Lê milyaketê Xudan jê re got: «Vegere ba xatûna xwe û bindestiya wê bike.»

¹⁰Bi ser de milyaket got: «Ezê ziriyeta te wisa pir bikim ku wê kes nikaribe bijmêre.»

¹¹Milyaketê Xudan berdewam kir û got: «Va ye tu bi zaro yî û tê kurekî bînî. Tê navê wî Îsmaîl[24] deynî. Çimkî Xudan tengasiya te bihîst.

¹²Wê bibe wekî kerekî hov. Wê li dijî her kesî be û wê herkes jî li dijî wî be. Wê bi birayên xwe re bi dijminatî bijî.»

¹³Wê navê Xudanê ku pê re peyivî wiha danî: «Tu ‹Êl-Royî›[25] yî.» Çimkî wê got: «Li vir min yê ku min dibîne dît.»

¹⁴Ji ber vê yekê ji bîra di navbera Qadêş û Beredê re, Bîr-Lahay-Royî[26] hat gotin.

¹⁵Hacerê ji Avram re kurek anî û navê Îsmaîl lê danî.

¹⁶Gava Hacerê ji Avram re Îsmaîl anî Avram heştê û şeş salî bû.