Read Kurmanji Încîl Destpêk 36 Bible Online

Destpêk 36 - Kurmanji Încîl bible

Destpêk 36

¹Qeyda ziriyeta Esaw, yanî Edom:

²Esaw jinên xwe ji keçên Kenanî anîn: Edaya keça Elonê Hîtîtî, Oholîvama keça Ena ya neviya Sîvonê Hîwî

³û Basemata xwişka Nevayot a keça Îsmaîl.

⁴Edayê ji Esaw re Êlîfaz anî, Basematê Reûêl anî û

⁵Oholîvamayê jî Yeûş, Yalam û Qorax anîn. Kurên Esaw ên ku jê re li welatê Kenanê çêbûn ev bûn.

⁶Esaw jinên xwe, kurên xwe, keçên xwe û hemû mirovên mala xwe hildan, bi pez, hemû heywan û malê xwe yê ku li welatê Kenanê bi dest xistibû re bar kir welatekî din û ji birayê xwe Aqûb veqetiya.

⁷Malên wan ewqas pir bûn ku nikaribûn bi hev re bimînin. Ji ber ku heywanên wan zêde bû, welatê ku lê diman têra wan nedikir.

⁸Esaw, yanî Edom li herêma çiyayî ya Seîrê rûnişt.

⁹Qeyda ziriyeta Esawê bavkalê Edomiyên ku li herêma çiyayî ya Seîrê diman ev e:

¹⁰Navê kurên Esaw ev in: Êlîfaz, kurê Esaw ê ji Edayê û Reûêl, kurê Esaw ê ji Basematê.

¹¹Kurên Êlîfaz: Têman, Omar, Sefo, Gatam û Qenaz.

¹²Tîmnaya cariya Êlîfazê kurê Esaw ji Êlîfaz re Amalêq anî. Ev neviyên Edaya jina Esaw bûn.

¹³Kurên Reûêl: Nahat, Zerah, Şamma û Mîzza. Ev neviyên Basemata jina Esaw bûn.

¹⁴Kurên Oholîvamaya jina Esaw a ku keça Ena û neviya Sîvon bû, ev in: Yeûş, Yalam û Qorax.

¹⁵Di nav ziriyeta Esaw de yên ku mîr bûn, ev in: Êlîfaz kurê Esaw yê pêşî bû. Kurên Êlîfaz ev in: Mîr Têman, Mîr Omar, Mîr Sefo, Mîr Qenaz,

¹⁶Mîr Qorax, Mîr Gatam, Mîr Amalêq. Kurên Êlîfaz ên ku li welatê Edomê mîr bûn, ev bûn. Ev neviyên Edayê bûn.

¹⁷Kurên Reûêlê kurê Esaw: Mîr Nahat, Mîr Zerah, Mîr Şamma û Mîr Mîzza. Kurên Reûêl ên ku li welatê Edomê mîr bûn, ev bûn. Ev neviyên jina Esaw Basematê bûn.

¹⁸Kurên jina Esaw Oholîvama: Mîr Yeûş, Mîr Yalam û Mîr Qorax. Ev mîr ji jina Esaw Oholîvama ya keça Ena bûn.

¹⁹Ev hemû kurên Esaw, yanî yên Edom in û ev mîrên wan in.

²⁰Kurên Seîrê Horî yê ku li herêmê diman ev bûn: Lotan, Şoval, Sîvon, Ena,

²¹Dîşon, Eser û Dîşan. Ev kurên Seîr, li Edomê mîrên Horiyan bûn.

²²Kurên Lotan: Horî û Hêmam. Tîmna xwişka Lotan bû.

²³Kurên Şoval: Elwan, Manahat, Êval, Şefo û Onam.

²⁴Kurên Sîvon: Aya û Ena. Ew Ena bû, gava li beriyê li ber kerên bavê xwe bû, germav dîtin.

²⁵Zarokên Ena: Dîşon û keça Ena Oholîvama.

²⁶Kurên Dîşon: Hemdan, Eşban, Yîtran û Keran.

²⁷Kurên Eser: Bîlhan, Zaewan û Eqan.

²⁸Kurên Dîşan: Ûs û Aran.

²⁹Mîrên Horiyan ev bûn: Lotan, Şoval, Sîvon, Ena,

³⁰Dîşon, Eser, Dîşan. Mîrên Horiyan ên li herêma Seîrê ev bûn.

³¹Beriya ku padîşahek li ser Îsraîlê padîşahiyê bike, padîşahên li Edomê serwerî kirin ev bûn:

³²Belayê kurê Beor li ser Edomê bû padîşah. Navê bajarê wî Dînhava bû.

³³Bela mir û Yovavê kurê Zerahê Bosrayî li cihê wî bû padîşah.

³⁴Yovav mir û Hûşamê li ser diyarê Têmaniyan li cihê wî bû padîşah.

³⁵Hûşam mir û Hadadê kurê Bedadê ku li welatê Moavê Mîdyanê têk biribû, li cihê wî bû padîşah. Navê bajarê wî Ewît bû.

³⁶Hadad mir û Samlayê Masrêqayî li cihê wî bû padîşah.

³⁷Samla mir û Şawûlê Rehovot-Hannaharî li cihê wî bû padîşah.

³⁸Şawûl mir û Baal-Hananê kurê Exbor li cihê wî bû padîşah.

³⁹Baal-Hananê kurê Exbor mir û Hadad li cihê wî bû padîşah. Navê bajarê wî Paû bû. Navê jina wî jî Mehêtavêla keça Matrêda keça Mê-Zahavê bû.

⁴⁰Mîrên ziriyeta Esaw, li gorî binemalên xwe û herêma ku lê bûn, ev in: Tîmna, Elwa, Yetêt,

⁴¹Oholîvama, Ela, Pînon,

⁴²Qenaz, Têman, Mîvsar,

⁴³Magdiyêl û Îram. Li gorî welatê ku lê rûdiniştin û ji xwe re kiribûn milk, mîrên Edomê ev bûn. Bavkalê Edomiyan Esaw bû.