Read Kurmanji Încîl Samûêl II, 9 Bible Online

Samûêl II, 9 - Kurmanji Încîl bible

Samûêl II, 9

¹Dawid pirsî û got: «Kesê saxmayî yên ji Mala Şawûl, ji bo xatirê Yonatan qenciyê lê bikim maye?»

²Bi navê Sîva xulamekî Mala Şawûl hebû. Ew anîn ba padîşah. Dawid jê pirsî: «Sîva tu yî?» Wî jî got: «Belê ez im, ezbenî.»

³Padîşah pirsî: «Gelo ji Mala Şawûl kesek sax maye ku ez qenciya Xwedê nîşanî wî bidim?» Sîva got: «Kurekî Yonatan heye ku ji herdu lingan kulek e.»

⁴Padîşah pirsî: «Ew li ku ye?» Sîva bersiv da û got: «Li Lo-Devarê, li mala Maxîrê kurê Emmiyêl e.»

⁵Li ser vê yekê, padîşah ji mala Maxîr gazî kurê Yonatan kir.

⁶Dema ku ew hat ba Dawid, li ber wî xwe tewand. Dawid got: «Mefîboşêt[11] tu yî?» Mefîboşêt lê vegerand: «Belê ez im ezbenî.»

⁷Dawid jê re got: «Netirse. Ji bo xatirê bavê te Yonatan, ezê qenciyê li te bikim. Hemû axa bapîrê te Şawûl ezê li te vegerînim. Tê herdem li ser sifra min xwarinê bixwî.»

⁸Mefîboşêt serê xwe tewand ber xwe û got: «Ma ez xulamê te kî me ku tu bi kûçikekî wekî min mirî re eleqedar dibî?»

⁹Dawidê Padîşah şand pey Sîvayê xulamê Şawûl û jê re got: «Min her tiştên ku ji berê de yên Şawûl û malbata wî bûn da neviyê wî Mefîboşêt.

¹⁰Tu, kurên xwe û xulamên xwe hûnê zeviyên wî bajon û berê wan jê re bibin ku pêdiviya xwarina neviyê mezinê we peyda bibe. Wê neviyê xweyê te Mefîboşêt, herdem li ser sifra min xwarinê bixwe.» Panzdeh kur û bîst xulamên Sîva hebûn.

¹¹Sîva got: «Ezê hemû fermanên xweyê xwe padîşah pêk bînim.» Mefîboşêt wekî kurekî padîşah li ser sifra wî xwarin xwar.

¹²Bi navê Mîka kurekî biçûk ê Mefîboşêt hebû. Hemû kesên Sîva xizmeta Mefîboşêt dikir.

¹³Mefîboşêt li Orşelîmê dima. Herdem nanê li ser sifra padîşah dixwar. Ew ji herdu piyên xwe kulek bû.