Read Kurmanji Încîl Nehemya 11 Bible Online

Nehemya 11 - Kurmanji Încîl bible

Nehemya 11

¹Serekên gel li Orşelîmê rûniştin, kesên gel ên mayî ji bo ji deh kesan yek li Orşelîma bajarê pîroz rûne û neh kes jî li bajarên xwe bimînin, pişk avêtin.

²Gel hemû kesê ku ji dil xwe derxist pêş ku li Orşelîmê rûne, pîroz û bereket kir.

³Serekên herêmê ên li Orşelîmê rûdinin ev in: — Lê belê hinek Îsraîlî, kahin, Lêwiyî, peywirdarên Perestgehê, kurên xulamên Silêman li bajarên xwe, li ser milkên xwe, li bajarên Cihûdayê rûniştin.

⁴Hinek Cihûdayî û Binyamînî jî li Orşelîmê rûniştin. — Ji ziriyeta Cihûda: Etayayê kurê Ûzziyayê kurê Zekeriyayê kurê Amaryayê kurê Şefatyayê kurê Mahalalêlê ku Pêrêsî bû

⁵û Maesêyayê kurê Barûkê kurê Kol-Hozeyê kurê Hazayayê kurê Edayayê kurê Yoyarîvê kurê Zekeriyayê ku Şelayî bû.

⁶Hejmara mêrxasên Pêrêsiyên li Orşelîmê rûdinin, 468 bû.

⁷Ji ziriyeta Binyamîn: Sallûyê kurê Meşûllamê kurê Yoêdê kurê Pedayayê kurê Qolayayê kurê Maesêyayê kurê Îtiyêlê kurê Îşaya

⁸û Gabbay û Sallayê ku li pey hatin — bi tevahî 928 kes bûn.

⁹Yoêlê kurê Zikrî li ser wan peywirdar bû û Cihûdayê kurê Hassenûa li ser bajêr kesê diduyan bû.

¹⁰Ji kahinan: Yedayayê kurê Yoyarîv, Yaxîn,

¹¹Serayayê serwerê Mala Xwedê kurê Hîlqiyayê kurê Meşûllamê kurê Sadoqê kurê Merayotê kurê Ahîtûv

¹²û birayên wî yên ku karê Malê dikin — 822 kes, Edayayê kurê Yerohamê kurê Pelalyayê kurê Amsiyê kurê Zekeriyayê kurê Paşhûrê kurê Malkiya

¹³û birayên wî yên ku serekên binemalan bûn — 242 kes, Emaşsayê kurê Ezarêlê kurê Ahzayê kurê Meşillêmotê kurê Îmmêr

¹⁴û birayên wî yên mêrxasên wêrek — 128 kes. Zavdiyêlê kurê Haggedolîm li ser wan peywirdar bû.

¹⁵Ji Lêwiyiyan: Şemayayê kurê Haşşûvê kurê Ezrîqamê kurê Haşavyayê kurê Bûnnî,

¹⁶Şabbetay û Yozavadê ku ji serekên Lêwiyiyan bûn û li ser karên derve yên Mala Xwedê bûn,

¹⁷Mattanyayê serekê duakirin û pesindanê kurê Mîxayê kurê Zavdiyê kurê Asaf, Baqbûqyayê di nav birayên wî de peywirdarê diduyan bû û Evdayê kurê Şammûayê kurê Galalê kurê Yedûtûn.

¹⁸Tevahiya hejmara Lêwiyiyên li bajarê pîroz, 284 kes bû.

¹⁹Ji dergevanan: Eqqûv, Talmon û birayên wî yên li ber dergehan nobedarî dikin, 172 kes bûn.

²⁰Kesên mayîn ên ji gelê Îsraîl û ji kahin û Lêwiyiyan, her kesekî ji wan li hemû bajarên Cihûdayê li ser milkên xwe bûn.

²¹Peywirdarên Perestgehê li Ofelê rûniştin. Sîha û Gîşpa li ser wan bûn.

²²Ûzziyê kurê Baniyê kurê Haşavyayê kurê Mattanyayê kurê Mîxa, peywirdarê Lêwiyiyên li Orşelîmê bû. Ew ji ziriyeta Asaf bû ku stranbêjên li ser karê Mala Xwedê bûn.

²³Çimkî emrê padîşah li ser stranbêjan hebû ku roj bi roj heqdestê wan hatibû terxankirin.

²⁴Petahyayê kurê Meşêzavêlê ji ziriyeta Zerahê kurê Cihûda, ji bo her karên gel li ba padîşah bû.

²⁵Malên gundan û zeviyên wan: Hinek Cihûdayiyan li Qîryat-Arbayê û gundên wê, li Dîvonê û gundên wê, li Yeqavseyêlê û gundên wê,

²⁶li Yêşûayê, li Moladayê, li Bêtpeletê,

²⁷li Hasar-Şûalê, li Bîr-Şevayê û li gundên wê,

²⁸li Zîqlagê, li Mexonayê û gundên wê,

²⁹li Eyn-Rîmmonê, li Sorayê, li Yarmûtê,

³⁰li Zanoahê, li Edûllamê û gundên wê, li Laxîşê û zeviyên wê û li Ezêqayê û li gundên wê rûniştin. Ji Bîr-Şevayê heta Geliyê Hînnomê kon vedan.

³¹Hinek Binyamînî li Gevayê, li Mîkmasê, li Eyayê, li Bêt-Êlê û li gundên wê,

³²li Enatotê, li Novê, li Enanyayê

³³li Hasorê, li Ramayê, li Gittayîmê,

³⁴li Hadîdê, li Sevoyîmê, li Nevallatê,

³⁵li Lodê, li Onoyê û li Newala Hosteyan rûniştin.

³⁶Hinek Lêwiyiyên Cihûdayê jî li Binyamînê bicih bûn.