Read Kurmanji Încîl Ester 7 Bible Online

Ester 7 - Kurmanji Încîl bible

Ester 7

¹Padîşah û Haman hatin ziyafeta Estera Şahbanûyê.

²Roja diduyan, gava şerab vexwarin, padîşah careke din ji Esterê re got: «Tu çi dixwazî, Estera Şahbanû? Wê ji te re bê dayîn. Daxwaza te çi ye? Heger tu bixwazî, wê nîvê padîşahiyê jî ji te re be.»

³Estera Şahbanû wiha bersiv da: «Ya padîşahê min, heger qedrê min li ba te hebe û bi dilê te be, daxwaza min ew e ku tu canê min û gelê min bibexişînî.

⁴Ji ber ku ez û gelê min, ji bo ku em bên tunekirin, kuştin û helakirin hatin firotin. Heger em wek xulam û xadiman bihatana firotin, minê dengê xwe nekira, çimkî ji bo tiştekî wiha, hewce nedikir ku padîşah bihata acizkirin.»

⁵Ahaşwêroşê Padîşah ji Estera Şahbanûyê re got: «Ew kî ye ku diwêre karekî wiha bike, li ku ye ev zilam?»

⁶Esterê got: «Ew neyar û dijminê me, va ye ev e! Hamanê xerab.» Li ber padîşah û şahbanûyê, sawê Haman girt û ew bizdiya.

⁷Padîşah bi hêrs ji ser sifreya ziyafetê rabû û çû bexçeyê qesrê. Haman ji bo ku ji Estera Şahbanûyê bexişandina canê xwe bixwaze li hûndir ma. Ji ber ku êdî pê hesiyabû ku padîşah biryar daye ku wî tune bike.

⁸Gava padîşah ji bexçeyê qesrê vegeriya, dît ku Haman xwe avêtiye ber sedra ku Ester li ser rûdine. Li ser vê yekê padîşah qîriya: «Evê di mala min de dest bavêje jina min jî?» Hema wê gavê rabûn rûyê Haman nixamtin û birin.

⁹Harbonayê ku yek ji axayê harema padîşah bû wiha got: «Binêrin, Haman ji bo Mordexayê ku jiyana padîşah rizgar kiriye daleqîne, darê pêncî gazî[4] daçikandiye û dar li ber deriyê wî amade ye.» Padîşah got: «Bila Haman bi wî darî ve bê daleqandin.»

¹⁰Bi vî awayî Haman bi darê ku ji bo Mordexay amade kiribû ve hat daleqandin. Bi vê yekê re hêrsa padîşah jî kêm bû.