Read Kurmanji Încîl Zebûr 109 Bible Online

Zebûr 109 - Kurmanji Încîl bible

Zebûr 109

¹Ji bo şefê muzîkê Zebûra Dawid Ey Xwedayê pesindariya min, Bêdeng nemîne!

²Çimkî devê yê xerab û hîlekar, Li hember min vebû, Bi zimanê derewkar li ser min dibêjin.

³Bi gotinên nefretê dor li min pêçan, Bê sebeb bi min re kirin cengan.

⁴Ji dêl hezkirina min, ew min sûcdar dikin, Hê jî ez ji bo wan dua dikim.

⁵Li hember qenciya min, wan xerabî kir, Nefret kirin ji hezkirina min.

⁶Ew dibêjin, «Tu zilamekî xerab deyne ber serê wî, Li milê wî yê rastê, yekî ku wî sûcdar dike rawestîne!

⁷Di dadbarkirinê de bila wî sûcdar derîne, Dua wî jî guneh binivisîne!

⁸Bila jiyê wî kin be, Yekî din ciyê wî bigire!

⁹Bila zarokên wî sêwî, Jina wî jinebî bimîne!

¹⁰Bila zarokên wî eware bigerin, parsê bikin, Ji xirbê xwe derkevin, li nan bigerin!

¹¹Bila hemû malê wî bikeve dahfika selefxur, Û keda wî, xerîb talan bikin!

¹²Bila tu kes qenciyê pê neke, Tu kes ber sêwiyên wî nekeve!

¹³Bila dundana wî rabe, Nifşek bi şûn ve, navê wan ji holê rabe!

¹⁴Bila sûcên bav û kalên wan, bên bibîranîn li pêş Xudan, Bila neyê paqijkirin gunehê diya wî!

¹⁵Hergav li pêşberî Xudan be, gunehê wan, Bila ji ser erdê rake bibîranîna wan!

¹⁶Çimkî bi bîra wî nehat qencîkirin, Wî cefa bi bindest û bi hejaran da kişandin, Û kir ku dilşikestiyan bikuje.

¹⁷Wî ji naletê hez kir, nalet lê be! Kêfa wî ji xêr û pîroziyê re nehat, Xêr û bereket jê dûr be!

¹⁸Wî naletê wek kinc li xwe kir, Nelet wek avê ket zikê wî, wek rûn ket hestiyên wî!

¹⁹Bila ew, wek kincekî wî binixême, Wek şûtikekî wî bipêçe!»

²⁰Bila van nifirên ku li min dikin, Ji alî Xudan ve bibe para yên ku min sûcdar dikin!

²¹Belê tu, ya Reb Xudan, Ji bo xatirê navê xwe min rizgar ke; Kerema te qenc e, min azad ke.

²²Çimkî ez bindest û hejar im, Ji hundir, ji dil ve birîndar im.

²³Wek siya berê êvarê ez derbas bûm û çûm, Wek kulî ez hatim hejandin.

²⁴Çokên min dilerizin ji rojî girtinê; Ez heliyam, çerm û hestî mam.

²⁵Ez jî bûm pêkeniya dijminên xwe, Li min dinêrin, serê xwe dihejînin!

²⁶Ji min re bibe alîkar, ey Xudan Xwedayê min; Li gor kerema xwe, xelas ke min!

²⁷Bila bizanibin ku ev destê te ye, Ya Xudan, te ev kiriye!

²⁸Bila ew naletê bînin, tu pîroz ke, Bila şerm bikin, yên ku êrîşî min dikin, Wê xizmetkarê te şa bibe.

²⁹Bila sûcdarkirên min, bêrûmetiyê wergirin, Bila wek xeftan, bi şerma xwe bên pêçandin!

³⁰Ezê bi devê xwe, gellek spas bikim ji bo Xudan, Di nav gel de, pesnê wî bidim;

³¹Çimkî ew, li milê rastê yê hejaran radiweste, Da ku ew wan, ji yên ku canê wan bi mirinê dadbar dikin, rizgar bike.