Read Kurmanji Încîl Zebûr 118 Bible Online

Zebûr 118 - Kurmanji Încîl bible

Zebûr 118

¹Ji Xudan re spas bikin, çimkî ew qenc e, Kerema wî her û her e.

²Bila Îsraêl bêje: «Kerema wî her û her e!»

³Bila mala Harûn bêje: «Kerema wî her û her e!»

⁴Bila yên ji Xuda ditirsin bêjin: «Kerema wî her û her e!»

⁵Di tengahiyê de min bang kir Xudan; Wî ez bersîvandim û derxistim firehiyê.

⁶Xudan bi min re ye, nîne tirsa min; Mirov dikarin çi bikin bi min?

⁷Xudan bi min re ye, ew alîkarê min e, Ezê têkçûna dijminê xwe bibînim.

⁸Xwespartina Xudan, Çêtir e ji ewlebûna mirovan.

⁹Xwespartina Xudan, Qenctir e, ji ewlebûna bi mîran.

¹⁰Hemû miletan dor li min pêçan, Ezê wan bişikênim, bi navê Xudan.

¹¹Dor li min pêçan, dor li min girtin, Ezê wan bişikênim bi navê Xudan.

¹²Wek mêşên hingiv dor li min pêçan, Wek agirê pûş tefiyan; Ezê wan bişikênim bi navê Xudan.

¹³Ez hatim defdan, dikira biketam, Belê Xudan hat alîkariya min.

¹⁴Xudan hêz û lavija min e, Ew bi xwe rizgariya min e.

¹⁵Dengê şahî û serketinê, Bilind dibe ji konê rastan: «Destê rastê yê Xudan, dike mêrxasiyan!

¹⁶Destê rastê yê Xudan, hatiye berzkirin, Destê rastê yê Xudan, dike mêrxasiyan!»

¹⁷Ezê nemirim, ezê bijîm, Ezê karên Xudan bêjim.

¹⁸Xudan ez bi şid terbiye kirim, Belê wî ez terkî mirinê nekirim.

¹⁹Vekin li min deriyên rastdariyê, Da ku ez tê re derbas bibim û ji Xudan re bikim spasiyê.

²⁰Va ye, ev e deriyê Xudan! Yê rast tê re derbas dibin.

²¹Ez spasdarê te me, çimkî te bersîva min da, Û tu bûyî rizgariya min.

²²Kevirê ku hostayan red kirin, Bû kevirê serê rikin.

²³Ev ji alî Xudan ve çêbû, Li ber çavê me karek ecêb e!

²⁴Roja ku Xudan afirandiye, ev e, Bi wê em şa û dilşa bin!

²⁵Ya Xudan, em lava dikin, me rizgar ke, Ya Xudan, em lava dikin, me serfiraz ke!

²⁶Bila pîroz be, yê ku bi navê Xudan tê! Em ji mala Xudan, we pîroz dikin.

²⁷Xudan Xwedê ye, wî em ronahî kirin. Goriye bi kertik, bi qiloçê gorîgehê ve girêdin.

²⁸Xwedayê min tu yî, ez spasî te dikim, Tu Xwedayê min î, ez te berz dikim.

²⁹Ji Xudan re spas bikin, çimkî ew qenc e, Kerema wî her û her e.