Read Kurmanji Încîl Zebûr 132 Bible Online

Zebûr 132 - Kurmanji Încîl bible

Zebûr 132

¹Lavija Hecê Ya Xudan, tu Dawid, Û tengahiya ku kişand bibîr bîne,

²Bibîr bîne, ka çawa ji te re sond xwar, Û ji Hêzdarê Aqûb re soz da:

³«Ezê neçim mala xwe, Nekevim nav nivînên xwe,

⁴Wê xew nekeve çavê min, Neyên girtin qelpaxên çavê min,

⁵Heta ku ez ji Xudan re warekî, Ji Hêzdarê Aqûb re malekê nebînim.»

⁶Me bihîst ku Sindoqa Peymanê li Efratayê ye, Me ew li zeviya Yaerê dît.

⁷Em herin mala Xudan, Li ber pêpelûka lingê wî biperizin.

⁸Ya Xudan, hilkişe ciyê xwe yê rihetiyê, Tu û sindoqa te ya hêzdariyê.

⁹Bila kahînên te, rastdariyê wergirin, Evdên te yên dilsoz, qîrînên şahiyê bavêjin.

¹⁰Ji bo xatirê evdê xwe Dawid, Ruyê xwe li yê ku te mesh kiriye nezivirîne.

¹¹Xudan bi piştrastî ji Dawid re sond xwar, Ew ji wê venagere: «Ezê yekî ji nîjada te, li textê te bidim rûniştin.

¹²Eger zarokên te peymana min, Û şîretên ku ez li wan dikim bigirin, Wê zarokên wan jî her û her, Li ser textê te rûnên.»

¹³Çimkî Xudan Sîyonê bijart, Wê derê, wek war ji bo xwe xwest,

¹⁴Û got, «Ciyê min ê bîhnvedanê her û her ev der e, Ezê li vir rûnêm, çimkî min ev xwest.

¹⁵Ezê zadê wê pirr bi bereket bikim, Hejarên wê bi nan têr bikim.

¹⁶Ezê rizgariyê li kahînên wê bikim; Ewê gelê wê yê dilsoz, bi kêf û şahî bistirin.

¹⁷Ezê li wir ji Dawid re qiloçekî derînim, Min ji yê xwe yê meshkirî re, çirayek amade kir.

¹⁸Ezê dijminên wî bi şermiyê binixêmim, Belê wê taca serê wî, bibiriqe.»