Read Kurmanji Încîl Zebûr 143 Bible Online

Zebûr 143 - Kurmanji Încîl bible

Zebûr 143

¹Zebûra Dawid Duaya min bibihîze, ya Xudan, Goh bide lavakirina min! Bi dilsoziya xwe, bi rastdariya xwe min bibersivîne!

²Evdê xwe derneyne pêş dîwanê, Çimkî tu kesê jiyandar, li pêş te dernakeve rastdar.

³Dijmin daye pey min, Jiyana min li bin gohê erdê xist. Min li tariyê daye rûniştin. Wek yên ku ji zû ve mirin.

⁴Loma ruhê min di hundirê min de dixeriqe, Dilê min perîşan e.

⁵Ez rojên borî bibîr tînim, Bi kûrî li ser hemû karên te difikirim, Ez li karên destê te difikirim û ji xwe diçim.

⁶Destên xwe ji te re vedikim, Canê min wek axa ziwa ji te re, tî bûye.

⁷Zû bersîv bide min, ya Xudan, Ruhê min derdikeve. Ruyê xwe ji min nenixême, Da ku ez nemînim, yên ku dadikevin gorê.

⁸Serê sibê, kerema xwe bi min bide bihîstin, Çimkî ez bi te bawer im; Riya ku ezê herim nîşanî min bide, Çimkî ez canê xwe ji te re bilind dikim.

⁹Tu min ji dijminên min azad ke, ya Xudan; Ez xwe dispêrim te.

¹⁰Min hîn bike, da ku ez daxwaza te bînim cih, Çimkî tu Xwedayê min î. Bila ruhê te yê qenc, Di rê de rêberiya min bike!

¹¹Ya Xudan, ji bo navê xwe min bijîne, Bi rastdariya xwe min ji tengahiyê derîne.

¹²Bi kerema xwe, Tu helaq bike dijminên min, Tune bike, hemû yên ku tengahiyê didin min, Çimkî ez evdê te me.