Read Kurmanji Încîl Zebûr 147 Bible Online

Zebûr 147 - Kurmanji Încîl bible

Zebûr 147

¹Pesnê Xudan bidin! Çiqas qenc û xweş e ku em bi lavijan pesnê Xwedayê xwe bidin! Pezindan bi wî dikeve.

²Yê ku Orşelîmê ava dike Xudan e, Ew, surgûnên Îsraêlê dide hev.

³Ew dilşikestiyan baş dike, Û birînên wan dipêçe.

⁴Ew hejmara stêran kifş dike, Bi navê her yekê ji wan, bang lê dike.

⁵Rebê me mezin û gellek hêzdar e, Sînor ji têgihîştina wî re nîne.

⁶Xudan bindestan radike, Xiraban li bin gohê erdê dixe.

⁷Bi spasî ji Xudan re lavijan bistrînin, Bi çengê, bi lavijan pesnê Xwedayê me bidin.

⁸Ew, bi ewran ezmanan dinixême Ew amade dike baranê, ji bo rûyê erdê, Ew li çiyayan giya dertîne.

⁹Ew qûtê heywanan dide wan, Têjika qirê ya ku diqîre têr dike.

¹⁰Ew ji hêzdariya hespê kêf nastîne, Ji lingên mirov razî nîne.

¹¹Xudan, ji yên ku ji wî ditirsin, Ji yên ku hêviya xwe bi kerema wî ve girê didin, razî ye.

¹²Ey Orşelîm, Xudan berz bike! Ey Sîyon, pesnê Xwedayê xwe bide!

¹³Çimkî wî, hesinên deriyên te zexim kir, Zarokên nav te pîroz kir.

¹⁴Ew aştiyê dide sînorên te, Bi genimê herî baş, têr dike te.

¹⁵Ew fermana xwe dişîne dinê, Peyva wî zû belav dibe.

¹⁶Ew, wek livvayê berfê dibarîne, Wek xweliyê cemedê direşîne.

¹⁷Ew zîpika gir ji jor ve dibarîne, Kî dikare li ber serma wî bisekine?

¹⁸Ew peyva xwe dişîne, wan dihelîne, Bayê radike, avan diherikîne.

¹⁹Ew peyva xwe digihîne Aqûb, Qanûn û rêznameyên xwe radigihîne Îsraêlê.

²⁰Wî ji bo tu miletî weha nekir, Ew dadbariyên wî nizanin. Pesnê Xudan bidin!