Read Kurmanji Încîl Zebûr 2 Bible Online

Zebûr 2 - Kurmanji Încîl bible

Zebûr 2

¹Çi ye ev kelîna gelan, Vala fikirîna miletan?

²Padîşahên dinê radibin ser lingan, Desthilatdar, li hember Xudan û meshkiriyê wî, Ava dikin yekîtiyan û dibêjin:

³«Em biqetînin girêdanên wan Ji ser xwe bavêjin benê wan.»

⁴Ji textê ezmanan dikene bi wan, Şa dibe Xudan bi kirina wan.

⁵Hingê wê bi hêrs ji wan re bêje, Bi xezeba xwe wan têxe dehşetê:

⁶«Ez im, yê ku padîşahê xwe, Li ser çiyayê pîroz, Siyonê da rûniştin.»

⁷Ezê qanûna Xudan bidim belavkirin, Wî ji min re got, «Tu yî kurê min. Îro ez ji te re bûm bav.»

⁸Ji min bixwaze, ezê wek mîras miletan, Bi milkî çar kujên dinê bidim te.

⁹Tê bi darê hesin wan bişikînî, Wek derdanek kûzçêker, ji hev biqetînî.

¹⁰Ey padîşahno, êdî bi aqil bin! Ey serokên dinê, dersê hilînin!

¹¹Bi tirs ji Xudan re bibin xizmetkar, Bilerizîn, bibin bextiyar.

¹²Kur maç bikin, da ku hêrs nebe, Kes ji we, li ser rê tune nebe. Çimkî bi derbekê radibe hêrsa wî, Xwezî bi wan, ku xwe avêtine wî.