Read Kurmanji Încîl Zebûr 21 Bible Online

Zebûr 21 - Kurmanji Încîl bible

Zebûr 21

¹Ji bo şefê muzîkê Zebûra Dawid Ya Xudan, bi hêza te şa dibe padîşah, Bi rizgarkirina te pirr dibe dilşa.

²Ya ku dilê wî xwest te da wî, Qet ne dirixand daxwaza devê wî.

³Bi qencî û bereketê tu hatî lêlima wî, Taca zêrîn a xas te da serê wî.

⁴Ji te jiyan xwest, te da wî, Rojên dirêj, jiyek herheyî.

⁵Bi rizgarkirina te, mezin e berziya wî, Te ew rapêça bi berzî û mezinahî.

⁶Te her û her ew gellek pîroz kir, Bi rûyê xwe te ew kêfxweş kir.

⁷Çimkî padîşah bi Xudan ewle ye, Bi heskirina Yê Herî Berz bêlepte ye.

⁸Wê destê te bigihîje hemû dijminan, Destê te yê rastê, bigîhije ji te nefretkiran.

⁹Gava ku tu hêrs bibî ya Xudan, Tê wan bikî wek firina dadayî; Bi xezeba xwe daqurtînî, Bi agir wan biqedînî.

¹⁰Tê wan hilînî ji rûyê cîhan, Rakî dundana wan ji nav mirovan.

¹¹Wan li ber te xerabî niyet kirin, Xwestin bixapînin, Belê ew serkeftinê nabînin.

¹²Çimkî tê wan şûn ve bişînî, Tîrên xwe li hember wan bitikînî.

¹³Hêza xwe nîşan bide ya Xudan! Emê pesnê berziya te bidin, bi stran.