Read Kurmanji Încîl Zebûr 27 Bible Online

Zebûr 27 - Kurmanji Încîl bible

Zebûr 27

¹Zebûra Dawid Ronahî û rizgariya min e Xudan, Ez natirsim ji tu kesan. Hêza jiyana min e Xudan, Bo çi ezê bitirsim ji hinan?

²Xerabên ku hember û dijminên min in, Gava ku nêz bûn ji bo ku min bixwin, Ew bi xwe terpilîn û ketin.

³Ordiyek li hember min kon deyne, Dilê min natirse, Derkeve şer li hember min Dîsa jî hunda nabe baweriya min.

⁴Min tiştekî xwest ji Xudan, ez li wî geriyam: Temaşekirina bedewiya Xudan, Li perestgeha wî, ji bo ku ez ji wî re bibim heyran, Hemû rojên jiyana xwe li mala wî biborînim.

⁵Çimkî di roja şer de ewê min veşêre li holika xwe, Wê bi nixamtina konê xwe min veşêre, Û min bilind bike li ser zinar.

⁶Hingê wê li hember dijminên dora min, Bilind bibe serê min, Û ezê bi şahî qurbanan li konê wî pêşkiş bikim, Bi stranan, bi îlahiyan pesnê Xudan bidim.

⁷Bibihîze ya Xudan, ez bi dengê xwe li te dikim bang, Ber min bikeve, min bibersivîne!

⁸Ya Xudan, te got, «Li rûyê min bigerin» Dilê min ji te re got, «Ez li rûyê te digerim.»

⁹Veneşêre rûyê xwe ji min, Bi hêrs berî xulamê xwe nede! Tu ji min re bûyî alîkar, Min nehêle, min bernede, Ey Xwedayê min ê xelaskar!

¹⁰Dê û bavê min dev ji min berdin jî, Wê Xudan li min xwedî derkeve.

¹¹Ya Xudan, riya xwe hînî min bike. Li hember dijminên min, Di riya rast de bibe rêber ji bo min.

¹²Min ji kêfa dijminên min re nehêle, Çimkî şahidên derewkar û zordar, Li ber min rabûn.

¹³Ez bawer im ku ezê li diyarê jîndaran, Bibînim qenciya Xudan.

¹⁴Li benda Xudan be, Hêzdar û bizirav be; Erê li benda Xudan be!