Read Kurmanji Încîl Zebûr 36 Bible Online

Zebûr 36 - Kurmanji Încîl bible

Zebûr 36

¹Ji bo şefê muzîkê Zebûra xizmetkarê Xwedê Dawid Serhildana yê xerab ji kurahiya dilê wî ye, Tirsa Xwedê, Li ber çavê wî niye.

²Ew di çavê xwe de xwe mezin dibîne, Ji sûcê xwe nefret nake, nabîne.

³Hîle û derew li ser devê wî ye, Biaqilbûn, qencîkirin ne para wî ye.

⁴Li nav nivînên xwe ew difikire derew, Li ser riya ku qencî jê nayê dimîne, nefret nake ji derew.

⁵Ya Xudan, kerema te ye li ezman, Dilsoziya te gihîşt ezman.

⁶Wek çiyayên mezin e edaleta te, Çiqas kûr e dadbariya te. Ya Xudan, tu rizgar dikî mirov û heywanan.

⁷Çi hêja ye kerema te, ya Xwedê! Xwe dispêrin bin siya bazkên te kurên mirovan.

⁸Bi rûnê mala te têra xwe têr dibin, Ji çemên zewqa xwe tu bi wan didî vexwarin.

⁹Çimkî, kaniya jiyanê ji te ye, Ronahiya te ronahiya me ye.

¹⁰Kerema xwe bide, Yên ku bi te dizanin, Edaleta xwe bide yên ku dilpak in.

¹¹Bila negihîje min lingê pozbilindan, Berî min nede bi destê xeraban.

¹²Yên ku xerabî kirin li wê derê ketin, Hilweşiyan, êdî ew ranabin.