Read Kurmanji Încîl Zebûr 64 Bible Online

Zebûr 64 - Kurmanji Încîl bible

Zebûr 64

¹Ji bo şefê muzîkê Zebûra Dawid Di lavakirinê de, dengê min bibihize ey Xwedê, Ji tirsa dijmin biparêze jîna min.

²Ji şêwrên dizî yên xeraban, Tu min veşêre ji welwela fesadan.

³Ew ku, zimanê xwe wek şûr tûj kirine, Tîrên xwe wek gotinên tal ava kirine,

⁴Da ku ji dera veşartî, bavêjin zilamê gihîştî. Ji nişka ve, bê tirs davêjin wî.

⁵Di karê xerabiyê de ew wêrek in, Kozikên veşartî dişêwirin, «Ma wê kî bibîne?» dibêjin.

⁶Li fesadiyê digerin, «Me planek bêqusûr çêkir!» dibêjin. Dil û hundirê her yekî ji wan kûr e.

⁷Belê wê Xwedê, bavêje wan tîran, Ji nişka ve birindar bike wan.

⁸Wê zimanê wan, wan bibe xerabûnê, Yên ku wan bibînin, wê serê xwe bi wan bihejînin.

⁹Wê hemû mirov bitirsin, Karê Xwedê bidin bihîstin, Ya ku wî kiriye bifikirin.

¹⁰Yê rast wê bi Xudan şa be, Xwe bispêre wî, Hemû dilên paqij wê bidin pesnê wî.