Read Kurmanji Încîl Zebûr 66 Bible Online

Zebûr 66 - Kurmanji Încîl bible

Zebûr 66

¹Ji bo şefê muzîkê Lavij, Zebûr Ey tevahiya rûyê erdê, Bi şahî ji bo Xwedê biqîrin!

²Ji navê wî yê berz re lavijan bêjin, Pesnê wî berz bikin!

³Ji Xwedê re bêjin, «Karên te çiqas mezin in! Ji ber hêzdarî û mezinbûna te, Wê serî li ber te deynin, dijminên te.

⁴Wê hemû dinya biperize te, Wê ji te re lavijan bêjin, Lavijan bêjin ji bo navê te.»

⁵Werin, karên Xwedê bibînin! Çi karên mezin kir li nav mirovan.

⁶Wî derya zivirand reşahiyê, Gelê wî peya derbas bû ji çem. Em li wê derê, bi kirina wî şa bûn.

⁷Bi hêza wî, serwerî her û her dajo, Çavên wî bi baldarî li ser miletan e; Bila serhildêr xwe bilind mekin!

⁸Ey gelno, Xwedayê me pîroz bikin, Dengê pesnê wî bidin bihîstin.

⁹Ew e, yê ku jîna me diparêze, Ew e, yê ku nahêle lingê me bişemite.

¹⁰Te em ceribandin, ey Xwedê, Wek ku zîv tê paqijkirin, te em paqij kirin.

¹¹Te em kirin dehfikê, Û te barê giran da pişta me.

¹²Te siwar kir, mirovan li stûyê me, Em ketin agir û avê, Lê te em derxistin firehiyê.

¹³Bi goriyên şewitandî ezê bikevim mala te, Ezê, sozên xwe bînim cih,

¹⁴Di tengahiyê de lêvên min ew anî ziman, Û devê min got.

¹⁵Bi dûmana beranên şewitandî û pezên qelew, Ezê goriyên şewitandinê pêşkişî te bikim, Ezê ga û nêriyan ji te re pêşkiş bikim.

¹⁶Werin gohdar bin, ey hûn hemû yên ku ji Xwedê ditirsin, Ez ji we re bêjim, ka ji bo canê min çi kir.

¹⁷Min bi devê xwe gazî wî kir, Û ew bi zimanê min hat berzkirin.

¹⁸Eger min di dilê xwe de cih bida fesadiyê, Reb ez nedibihîztim.

¹⁹Belê Xwedê ez bihîztim, Goh da dengê dua min.

²⁰Xwedê pîroz be, Çimkî bi şûn ve nezivart dua min, Ji min nedirixand kerema xwe.