Read Kurmanji Încîl Zebûr 80 Bible Online

Zebûr 80 - Kurmanji Încîl bible

Zebûr 80

¹Ji bo şefê muzîkê Di meqamê «Peymana Sosinan» de, Zebûra Asaf Ey şivanê Îsraêlê, goh bide, Tu ku, tu Ûsîv wek kerî dajoyî, Tu ku, tu li ser Kerûbiyan rûniştî yî, Ronahiya xwe bide,

²Li pêş Efrayim, Benyamîn û Manasse, Hêza xwe hişyar ke, Were me rizgar ke!

³Ey Xwedê me bizivirîne, Ruyê xwe bibiriqîne, da ku em rizgar bibin!

⁴Ya Xudan, Xwedayê ordiyan, Ma tê heta kîngê, hêrs bibî ji dua gelê xwe?

⁵Te nanê hêsirên çavan bi wan da xwarin, Bi elba mezin hêsirên çavan bi wan da vexwarin.

⁶Te kir ku em bi cîranên xwe re pev biçin, Dijminên me di nav hev de şa dibin.

⁷Ey Xwedayê ordiyan, me bizivirîne, Ruyê xwe bibiriqîne, ji me re rizgariyê bîne.

⁸Te ji Misirê şivek dêliyê anî, Te milletan deranî û wê danî.

⁹Te axa pêş wê vekir, Wê kûr tor berda, welat tije kir.

¹⁰Çiya bi siya wê, Darên Xwedê yên sedir, bi guliyên wê hatin nixamtin.

¹¹Wê guliyên xwe heta Deryayê, Şaxên xwe heta Firatê berda.

¹²Bo çi te xera kir sêncên wê? Hemû rêwî tirî jêdikin ji wê,

¹³Berazê daristanan wê xera dikin, Heywanên kûvî dixwin ji wê.

¹⁴Ey Xwedayê ordiyan, em lava dikin vegere! Ji ezmanan binêre û vê dêliyê bibîne.

¹⁵Şiva ku te bi destê xwe yê rastê danî, Şaxê ku te ji bo xwe hêzdar kir bitoqlîne!

¹⁶Bi agir hatiye şewitandîn, hatiye birrîn dêliya te, Bila bi awirên te yên tûj tune bibin, dijminê te!

¹⁷Destê te, li ser wî zilamî ye, ku destê te yê rastê ye, Bila destê te, li ser wî be ku tu ji bo xwe hêzdar dikî!

¹⁸Hingê em dev ji te bernadin; Me vejîne, emê bang bikin navê te!

¹⁹Ya Xudan, Xwedayê ordiyan, me bizivirîne, Ruyê xwe bibiriqîne, rizgariya me bîne.