Read Kurmanji Încîl Zebûr 84 Bible Online

Zebûr 84 - Kurmanji Încîl bible

Zebûr 84

¹Ji bo şefê muzîkê Li ser Gîttit, Zebûra kurên Korah Ey Xwedayê ordiyan, Çiqas xweş e ciyê te.

²Canê min bêriya hewşên Xudan dike, Jê re dixeriqe, Dilê min û bedena min, Xwedayê jîndar bi şahî bibîr tîne.

³Di gorîgehên te de, Heta beytikê ji xwe re malek, hechecikê jî, Ji bo danîna ferxikên xwe, ji xwe re hêlînek dît. Ey Xudanê ordiyan, padîşah û Xwedayê min!

⁴Xwezî bi wan ku li mala te rûdinên, Ew hergav spasdarên te ne.

⁵Xwezî bi wî ku hêza xwe ji te distîne! Riya heca Siyonê di dilê wî de ye.

⁶Gava ew di Geliyê Bekayê re derbas dibin, Ew wê derê dikin serê kaniyê, Bila bi barana pêşî re, ew der bibîne adaniyê.

⁷Çiqas here wê hêzdar bibin, Wê li Siyonê, ji alî Xwedê ve bên dîtin.

⁸Ya Xudan, Xwedayê ordiyan goh bide dua min, Goh bide ey Xwedayê Aqûb.

⁹Ey Xwedayê ku mertalê me ye, binêre, Ruyê meshkiriye xwe bibîne!

¹⁰Rojeke li hewşên te, Ji hezar rojan çêtir e; Di şûna ku ezê li konê xerabiyê rûnêm, Li mala Xwedê, li ser sekokê rûniştin, çêtir e ji bo min.

¹¹Çimkî Xudan Xwedê roj û mertal e. Kerem û berziyê dide; Ji her kesê ku bi durustî dimeşe, tu qenciyê nadirixîne.

¹²Ey Xudanê ordiyan, Yê ku bi te ewle ye, çiqas dilgeş e!