Read Kurmanji Încîl Zebûr 86 Bible Online

Zebûr 86 - Kurmanji Încîl bible

Zebûr 86

¹Duaya Dawid Ya Xudan, gohê xwe xwar ke û bersîv bide min, Çimkî ez bindest û belengaz im.

²Canê min biparêze, çimkî ez peywirê te me. Ey Xwedê, tu xelas ke evdê xwe yê bi te ewle!

³Li min were rehmê ya Reb, Çimkî ez ji te re lava dikim tevahiya rojê.

⁴Tu canê evdê xwe şa ke, Çimkî ya Reb, ez canê xwe ji bo te bilind dikim.

⁵Çimkî ya Reb, tu qenc û bexişkar î, Ji hemû yên ku bang dikin te re keremdar î.

⁶Goh bide dua min ya Xudan, Bibihîze lavakirina min!

⁷Di roja teng de ez bangî te dikim, Çimkî, tu didî bersîva min.

⁸Ya Reb, di nav îlahan de tunin yên mîna te, Ne jî karên wek karên te.

⁹Ya Xudan, hemû miletên ku te afirandine wê werin, Biperizin te, li ber te bigerin, Û ewê berzî bidin navê te.

¹⁰Çimkî tu mezin î û karên nedîtî dikî, Xwedayê tenê tu yî.

¹¹Ya Xudan, riya xwe hînî min bike, Ez li gor rastiya te bimeşim, Dilekî yekpare bide min, da ku ez bitirsim ji te.

¹²Ya Reb Xwedayê min, ez bi hemû dilê xwe spas dikim ji te re, Ezê navê te her û her berz bikim.

¹³Çimkî mezin e, kerema te ya ji bo min, Ji diyarê miriyan ên kûr, te xelas kir canê min.

¹⁴Ey Xwedê, qure li hember min rabûn, Garana zordaran li kuştina min geriya, Û wan tu nehesibandin,

¹⁵Herçî tu yî, ya Reb, Tu dilovan û keremdar î, Kerem û rastiya te pirr e, tu sebirdar î.

¹⁶Li min bizivire û li min were rehmê, Hêza xwe bide evdê xwe, Xelas bike kurê qewraşa xwe.

¹⁷Nîşanek qenciyê bi min bide dîtin; Da ku yên ji min nefret dikin, bibînin û şerm bikin; Çimkî tu ya Xudan, tu ji min re bûyî alîkar û xemrevîn,