Read Kurmanji Încîl Zebûr 94 Bible Online

Zebûr 94 - Kurmanji Încîl bible

Zebûr 94

¹Ya Xudan, ey Xwedayê tolstên, Ey Xwedayê tolstên, ronahiya xwe belav ke!

²Ey dadgerê dinê, rabe, Bergîdana qureyan bide!

³Ya Xudan, wê heta kîngê xerab, Wê heta kîngê xerab şa bin?

⁴Gotinên vala bi quretî dibêjin, Sûcdar tev pesnê xwe didin.

⁵Ya Xudan, ew dipelçînin gelê te, Derd didin mîrasa te.

⁶Ew jinebî û xerîban dibirrin, Û sêwiyan dikujin.

⁷Û dibêjin, «Xudan nabîne, Xwedayê Aqûb nafesilîne.»

⁸Ey hûn, evdalên nav gel, fêm bikin; Ey ahmeqno, hûnê kîngê bi aqil bibin?

⁹Ma yê ku goh çêkirî nabihîze? Yê ku çav çêkirî nabîne?

¹⁰Ma yê ku zanîn hîn kirî însan? Ceza nake, perwerdekarên miletan?

¹¹Xudan dizane bi ramanên mirovan, Û bi valahiya ramanên wan.

¹²Çi dilgeş e ya Xudan, yê ku te perwerde kirî, Û yê ku te şerîeta xwe pê hînkirî!

¹³Heta ku ji yê xerab re çal tê kolan, Tu di rojên tengahiyê de rihetiyê didî wan.

¹⁴Çimkî Xudan gelê xwe ji xwe navêje, Û mîrasa xwe bernade.

¹⁵Çimkî, wê dadbarî li rastiyê vegere, Û yên dilpaqij, bidin dû wê.

¹⁶Ma wê kî ji bo min li hember xeraban rabe? Wê ji bo min kî li ber sûcdaran derkeve?

¹⁷Eger Xudan nebûya alîkarê min, Niha zû çûbû diyarê bêdengiyê canê min.

¹⁸Gava ku min got, «Lingê min dişemite,» Kerema te ez girtim, ya Xudan.

¹⁹Gava ku tengahî dadigirin hundirê min, Xemrevandina te rihet dike canê min.

²⁰Ma serwerên xerab, dikarin ji te re bibin hevalbend? Û yên ku bi qanûnê neheqiyê dikin?

²¹Ew li hember yê rast dicivin, Yê bêrî, bi mirinê mehkum dikin.

²²Belê Xudan ji bo min birca bilind e, Û Xwedayê min, zinarê xwespartinê ye.

²³Wî sûcê wan li wan vegerand, Wê bi xerabiya wan, wan bibirre û bavêje, Wê Xwedayê me Xudan, wan bibirre û bavêje.