Read Kurmanji Încîl Şîretên Silêman 26 Bible Online

Şîretên Silêman 26 - Kurmanji Încîl bible

Şîretên Silêman 26

¹Çawa ku berf li havînê û baran li palehiyê nakeve, Wisa jî rûmet li kesê bêaqil nakeve.

²Çawa ku çivîk divirvire û hechecik difire, Wisa jî nifira neheq pêk nayê.

³Qemçî ji bo hespan, Hefsar ji bo keran Û ço ji bo pişta bêaqilan e.

⁴Tu li gorî bêaqiliya ehmeqan bersiv nede wan, Naxwe tê bibî wekî wan.

⁵Tu li gorî ehmeqiya wî bersiv bide kesê bêaqil, Ya na, wê xwe di çavê xwe de şehreza bibîne.

⁶Xeberşandina bi destê kesê bêaqil, Wekî jêkirina lingan û vexwarina zordariyê ye.

⁷Meseloka devê bêaqilan, Wekî lingên kulekan e.

⁸Kesê kevir bi berkaniyê ve girê dide çawa be, Qedirdayîna bêaqilan jî wisa ye.

⁹Meseloka devê bêaqilan, Wekî çiqlê bidirî yê destê serxweşan e.

¹⁰Tîravêjên her kesî birîndar dike çawa be, Kirêkarê bêaqilan û serxweşên li ser riyan jî wisa ne.

¹¹Bêaqilê ehmeqiya xwe dubare dike, Wekî kûçikê vedigere ser vereşîna xwe ye.

¹²Tu kesekî xwe di çavê xwe de şehreza dibîne, nas dikî? Hêviya bêaqilan jî ji hêviya wî zêdetir e.

¹³Tiral dibêje: «Li ser rê şêr heye, Li derve şêr digere.»

¹⁴Çawa ku derî li ser zirzeyan dizivire, Tiralê li ser nivînan jî wisa ye.

¹⁵Tiral destê xwe dirêjî tasê dike, Lê xîret nake bibe devê xwe.

¹⁶Tiral di çavê xwe de, Xwe ji heft kesên bersiva rast dide, şehrezatir dibîne.

¹⁷Kesê dikeve şer û pevçûna hinekî din, Dest davêje guhên seyekî.

¹⁸Dînê ku tîrên kujer ê ji êgir davêje

¹⁹Û kesê cîranê xwe dixapîne, Paşê dibêje: «Min henek kir» jî wisa ye.

²⁰Gava êzing diqede, agir jî ditefe, Li dera buxtanbêj lê tuneye, pevçûn jî namîne.

²¹Ji bo terafê komir, ji bo êgir êzing çi be, Ji bo geşkirina pevçûnê, kesê şerûd jî wisa ye.

²²Gotinên buxtanbêj wekî pariyê şîrîn e, Heta dil û hinavan diçe.

²³Lêvên nerm[14] û dilê xerab, Wekî qasikê ye ku bi zîv hatiye kiraskirin.

²⁴Kesê nefretê dike, bi gotinên lêvên xwe niyetê vedişêre, Lê dilê wî tije hîle ye.

²⁵Ji gotinên wî yên xweş bawer neke, Çimkî di dilê wî de heft tiştên kirêt hene.

²⁶Nefreta wî bi hîlekariyê bê nixamtin jî, Li civatê xerabiya wî eşkere dibe.

²⁷Kesê çalê dikole bi xwe dikevê Û kevir dizivire ser kesê ew gindirandiye.

²⁸Zimanê derewkar ji wan mirovan nefretê dike ku wan diperçiqîne, Devê hîlekar jî hildiweşîne.